Hambakuke
1 Onondaka omuuli Hambakuke* apopililwe memonekelo:
2 Atee nalupi Siovaa mandyiliyave kwoove unkhwateseko, otyo wahanthehelela?+
Atee nalupi mandyiliyave opo undyovole kovivi, mahi otyo uhalingi natyike?*+
3 Omokonda yatyi uyekela ndyitale ovivi?
Omokonda yatyi uyekelela-ko onya?
Omokonda yatyi ponthele yange pakalela ehanyu novivi?
Omokonda yatyi kweyulila onondyaya novilwa?
4 Ovitumino vitupu ononkhono.
Nawike ulinga etyi tyaviuka.
Onondingavivi mbukahi nokutumina ovaviuki.
Ovanthu kavalandula ouviuki.+
5 “Talei nawa pokati kovanthu vovilongo!
Talei, huvei, kukutei omate.
Mokonda pena tyimwe matyimoneka mononthiki mbenyi,
Mahi kamamutyitavela, atee umwe omunthu umwe umupopila-tyo.+
Vahanya ovilongo ovinene kombanda yohi,
Opo vapinge momaumbo ehe-avo.+
7 Vateketesa, tupu vatilisa owoma.
Movilongo vanyingila vapaka-ko ovitumino viavo noutumini wavo.+
8 Ononkhambe mbavo mbuhateka vali tyipona ononkhapi,
Tupu mbuhateka vali tyipona omahunyu kounthiki.+
Ononkhambe mbavo mbovita, mbuhateka vala no komutwe;
Ononkhambe mbavo mbutunda kokule.
Mbuhateka unene ngonkhombe tyina ikwata etyi maili.+
9 Aveho vaendela okuhanyauna.+
Ovipala viavo vikahi ngomphepo yo koutundilo,+
Vaongiya ononkhwatwa ngatyina eheke.
10 Vakwela onohamba,
Vayola ovatumini.+
Vayola onomphangu ambuho mbokwapama;+
Valinga onondondelo mbeheke oku valondela avanyingila momapunda-umbo, aveeteye-po.
11 Vahateka unene ngomphepo, avalambela mepunda-umbo.
Mahi mavavelwa onombei,+
12 Siovaa,+ ove utupu onthyimbi.
Huku yange, Musukuki wange, ove kunkhi.*+
13 Omaiho ove asukuka unene kaapondola okutala ovivi,
Kupondola okuyekelela ovivi.+
Opo omokonda yatyi uyekelela-ko onondingavivi?+
Omokonda yatyi utalela vala tyina onondingavivi mbumonesa ononkhumbi ovaviuki?+
14 Omokonda yatyi uyekela ovanthu vakale ngombisi yomelunga?
Oityi uyekela vakale ngovinyama viokulikoka pohi vihena omutumini?
15 Ova Kalindeya vakwata aveho nondyolo.
Vevekwata nowanda wavo,
Aveveongiya mowanda wavo wokufwa.
Otyo ova Kalindeya vahambukilwa unene.+
16 Vaava ovilikutila kowanda wavo
Valingila ovilikutila* owanda wavo wokufwa;
Mokonda yomawanda avo, okulia kwavo kwapakwa nawa omulela,
Okulia kwavo kukahi vali nawa.
17 Okuti mavatwalako okuyulisa owanda* wavo, aveuuyula?
Okuti mavatwalako okwipaa ovanthu vovilongo tyehena okankhenda?+