Etyi Tyahonekwa na Maluku
2 Etyi pakala ononthiki, akondoka ko Kafalanau, atyihahana movanthu okuti weya peumbo.+ 2 Ovanthu ovanyingi avelikongolola, amuyula umwe, tyokuti no pombundi ankho petupu vali omphangu, ahimbika okuvepopila ondaka.+ 3 Avemweetela omulume umwe una otyintheya, ankho watyindwa novalume vekwana.+ 4 Avehetyivili okumutwala pu Sesusi, mokonda ovanthu valinga ovanyingi, avayambulula ondywo peulu lya Sesusi, avatembe-po emphana, ngapo vapitisila otyiyalo pelangi omulume wotyintheya. 5 Sesusi etyi atala onthumbi vena-yo,+ apopila wotyintheya, ati: “Mona wange, waevelwa ononkhali mbove.”+ 6 Ankho pepumphi ovahoneki vamwe vovitumino, ngwe momitima viavo ankho vati:+ 7 “Oityi omulume ou apopila ngootyo? Uli nokulinga omutomba Huku. Weevela ovanthu ononkhali, ha Huku vala?”+ 8 Ngwe Sesusi kuna wetyimona-le etyi veli nokusoka, eveti: “Pahe ovio musoka vieya momitima vienyi ovityi ovio?+ 9 Naina hahe okutiwi, hahe ndyipopile ou wokuna otyintheya okuti, ‘Waevelwa ononkhali mbove,’ ine hahe okuti, ‘Katuka, pola-po otyiyalo tyove enda’? 10 Mahi opo mutyimone okuti kombanda yohi, tyokupola omunthu onkhali wetyipewa Omona womulume —”+ apopila wotyintheya ati: 11 “Ame ndyikuti, katuka, pola-po otyiyalo tyove, enda no keumbo liove.” 12 Akatuka, apolo-po otyiyalo tyae aende umwe otyo aveho vemutala. Ovanthu avahuvu, avankhimaneka Huku, avati: “Etyi katunetyimone.”+
13 Aende vali kelunga, ovanthu otyo vakongolokela vala kwe, ai mokuvelongesa. 14 Pokulamba, ukati ñgaa o Levii omona wa Alufeu upumphi potyifetelo tyelilimu, emuti: “Linga omulongwa wange, ndandule.” Akatuka, emulandula.+ 15 Etyi pahe ngwe eli nokulia* meumbo lya Levii, ovatanthi velilimu ovanyingi novokulinga ononkhali, navo ankho veli nokulia* na Sesusi novalongwa vae, mokonda ovanyingi puvo ankho vemulandula.+ 16 Etyi ovahoneki vova Faliseu vetyimona okuti ulia novatanthi velilimu novokulinga ononkhali, avapopila ovalongwa vae avati: “Naina ngwe ulia novatanthi velilimu novokulinga ononkhali?” 17 Sesusi etyi etyiiva, eveti: “Vokwakongoka kavesukisa omuhakuli, omuhakuli owa ava vavela. Ame heilile onondingaviwa, mahi neila vokulinga ononkhali.”+
18 Ovalongwa va Swau nova Faliseu ankho vakala tyahali, aveya avati: “Omokonda yatyi ovalongwa va Swau novalongwa vova Faliseu velityilikila okulia, mahi vove kavetyilingi?”+ 19 Sesusi eveti: “Omapanga omunthu wanepa+ petupu etyi tyivekalesa tyahali ngwe nkhele wokwanepa vena-e, hatyili? Tyina wokwanepa nkhele vena-e petupu etyi tyehevelisa. 20 Mahi kumbi wokwanepa vemupolwa,+ opo pahe onthiki oyo nokulia kavali. 21 Nawike upaka elimendo epe kotyinyanga otyikulu. Okulinga ngootyo, elimendo epe linana-po, otyinyanga otyikulu enthiwi alivilipo.+ 22 Tupu nawike upaka ovinyu omphe mononthenda ononkhulu mboseta.* Okulinga ngootyo, tyiti umwe ononthenda mbututana, ovinyu imoma-mo, ononthenda ambupeseka. Mwene ovinyu omphe ipakwa mononthenda onomphe mboseta.”
23 Etyi hono akwata momapia otiliku monthiki Yotyasapalo, ovalongwa vae otyo vaenda nokukweya omitwe viotiliku.+ 24 Ava ova Faliseu avemuti: “Tala vala! Otyityi valingila etyi tyahalingwa Motyasapalo?” 25 Mahi ngwe eveti: “Onwe kamunetange etyi Ndaviti alingile pokwahulilwa, pweetyi valiwa nondyala novalume ankho aenda navo?+ 26 Kamwetyitangele, pweetyi Ambiyatale+ ankho oe onkhalamutwe yovanakwa, Ndaviti kanyingilile mondywo ya Huku, ali onombolo mbokulekeswa aavaila ovalume ankho aenda navo, ngwe ovitumino viati petupu vali ava valia-ko, ovanakwa vala?”+ 27 Pahe eveti: “Otyasapalo tyaetelwa-ko omunthu,+ ha munthu-ko waetelwa-ko Otyasapalo. 28 Kombanda yo otyo, Omona womulume, Notyasapalo umwe tyili kolutei Lwae.”+