Omukanda wo Tete wa Samuwele
24 Liwa-liwa etyi Saulu atunda kokulwisa ova Filisitiya, apopilwa okuti: “Tala! Ndaviti uli moluhandya lwo Ene-Sendi.”+
2 Saulu apolo ovalume 3.000 ankho vetyivila vali okulwa mo Isilayeli, akaovola ovo Ndaviti nomafwalali ae monomphunda mbononkhonkha. 3 Saulu ehiki konohambo mbonongi* ankho mbukahi konthele ketapalo, ankho kuna eleva limwe ngamo anyingila opo aye kohika.* Ndaviti nomafwalali ae ankho omo veli, vaholama koluhinyi meleva omo.+ 4 Omafwalali a Ndaviti aemupopila okuti: “Ei onthiki Siovaa ekupopila okuti: ‘Ndyikahi nokupakula ondyale yove pomavoko ove,+ ove upondola okumulinga etyi wahanda.’” Ndaviti emuyombela atete-ko evava liotyikutu tya Saulu tyehena omankhanya. 5 Mahi konyima omutima* wa Ndaviti auhimbika okulukauka-mo,+ mokonda yokwateta-ko evava liotyikutu tya Saulu. 6 Ndaviti apopila omafwalali ae okuti: “Katyaviukile ku Siovaa okulinga otyipuka otyo tatekulu yange, omulembulwa wa Siovaa; ame hipondola okuyelula okuvoko kwange opo ndyimwiipae, mokonda omulembulwa wa Siovaa.”+ 7 Ngootyo Ndaviti atyilika* omafwalali ae nonondaka ombo, ahayeke vaipae Saulu. Saulu atundu meleva aende.
8 Pahe Ndaviti nae atundu meleva, alaveleya Saulu ati: “Tatekulu yange hamba!”+ Etyi Saulu aleuka, Ndaviti aikila konongolo, elipetamena pohi. 9 Ndaviti apopila Saulu okuti: “Omokonda yatyi utehelela ku vana vokuti ‘Ndaviti uhanda okukulinga omapita’?+ 10 Hono ove wetyimona umwe nawa okuti Siovaa wekupakula pomavoko ange, meleva omu. Etyi umwe ati tumwiipae,+ andyikala nokankhenda noove, andyiti: ‘Ame hipondola okuyelula okuvoko kwange opo ndyiipae tatekulu yange, mokonda omulembulwa wa Siovaa.’+ 11 Tate yange tala, evava liotyikutu tyove, likahi peke liange. Nateta-ko vala evava liotyikutu tyove, hekwipaele. Pahe wetyimona, upondola okutala okuti ame hihande okukwipaa, nii okukutyitukila-po. Tupu halingile onkhali naike kwoove,+ namphila ukahi nokundyeva opo umphole omwenyo wange.*+ 12 Siovaa akale omukoyesi wetu naame noove,+ Siovaa ekukondolele etyi undinga,+ mahi ame himakatula okuvoko kwange opo ndyikwiipae.+ 13 Onthengele-popia imwe yo kohale yati: ‘Konondingavivi kutunda ovivi,’ mahi ame hikatula okuvoko kwange okukwiipaa. 14 Hamba yo Isilayeli, olie ukahi nokwovola etyi watunda meumbo? Olie ukahi nokuyeva? Okuti otyimbwa tyankhia? Ine opulukwa?*+ 15 Siovaa akale omukoyesi wetu naame noove; matale nawa otyitateka,+ andyamena, malingi etyi tyaviuka andyovola pomavoko ove.”
16 Ndaviti manee okupopia ngootyo, Saulu ati: “Ove wapopia ngootyo mona wange Ndaviti?”+ Saulu ahimbika okulila unene. 17 Apopila Ndaviti okuti: “Ove umuviuki vali kwaame, mokonda wandinga nawa, mahi ame ndyikukondolela otyivi.+ 18 Wamphopila otyipuka otyiwa wandinga, etyi wahandyipaele pweetyi Siovaa amphakula pomavoko ove.+ 19 Omunthu patyi uvasa ondyale yae, eheilingi natyike otyivi, mahi eiyeke yende? Siovaa mekuyambe+ mokonda yeetyi wandinga hono. 20 Tala! Pahe ndyityeete okuti ove, ove mokala ohamba,+ ouhamba wo Isilayeli mautwalako tyapama pomavoko ove. 21 Pahe ana menyina lya Siovaa,+ olingi omphango yokuhahanyeko ava vatuka mwaame* nokuhanyimi enyina liange meumbo lya tate.”+ 22 Ngootyo Ndaviti alingi omphango oyo ku Saulu, Saulu aende no keumbo liae.+ Mahi Ndaviti nomafwalali ae avakaholama.+