Susuwee

14 Ova Isilayeli vapelwe onofika motyilongo tyo Kanaa, vapelwe na Eliyasale omunakwa na Susuwee omona wa Nuu, nonohongoi mbomihoko viova Isilayeli.+ 2 Pokwaavaila vomihoko etyive onofika no vokwahupa-po+ vomuhoko wa Manasesi, vatalesile+ ngeetyi Siovaa atumine Mwisesi. 3 Mwisesi waavelele onofika omihoko omikwavo vivali novana vamwe va Manasesi himba lina* o Solondau,+ mahi vomuhoko wa Levii kevepele onofika nga vakwavo.+ 4 Vokwatuka mu Susee vali omihoko vivali,+ ou owa Manasesi omukwavo owa Efalaii.+ Vokwatuka mu Levii kavapelwe ofika naike motyilongo, vapelwe vala omapunda-umbo+ omu mavakala novipako viavo nonofika mbatyo mbokulisila.+ 5 Ova Isilayeli pokulitetaila onofika valingile umwe vala etyi Siovaa atumine Mwisesi.

6 Etyi pakala, ovalume vokwatuka mu Sundaa avaende ku Susuwee ko Silingale,+ ngwe Kalembe+ omona wa Sefunee watuka mu Kenasi, apopila Susuwee ati: “Pweetyi tuli ko Kande-Mbalaneya,+ ove utyii nawa etyi Siovaa apopilile+ Mwisesi omunthu wa Huku yotyotyili,+ etyi ame noove tuna okulingwa. 7 Ame ankho ndyina omanima 40 pweetyi Mwisesi omuundapi wa Siovaa ankhatula ko Kande-Mbalaneya, anthumu ndyikalave otyilongo.+ Etyi nakondoka, andyimupopila umwe atyiho tyili momutima wange.*+ 8 Namphila ava twaile navo vasoyesile ovanthu,* mahi ame nalandulile Siovaa Huku yange nomutima wange auho.*+ 9 Monthiki oyo Mwisesi aane, ati: ‘Ofika ove waliata oyo maikala yove, noove novana vove, maikala yenyi apeho mokonda ove walandula Siovaa Huku yange nomutima auho.’+ 10 Etyi Siovaa apopile+ otyo umwe alinga, wankhalesa nomwenyo+ omanima aa 45. Nkhele Siovaa apopilile Mwisesi pweetyi ova Isilayeli vaangauluka vala moluhandya,+ na hono nkhele ndyili pano ndyina omwenyo, pahe ndyina omanima 85. 11 Na hono nkhele nakola vala ngomonthiki ina Mwisesi anthumine. Ononkhono ndyina-mbo pehepano ongoombu vala ankho ndyina-mbo pana, ine umpha vala otyilinga nkhele ndyityilinga, no movilwa vala nkhele ndyienda. 12 Pahe mphee ofika ei yonomphunda, ei Siovaa apopile monthiki muna. Namphila monthiki ina weivile okuti omo mukala vokwatuka mu Anake,+ muna omapunda-umbo omanene ovimato viokwapama,+ ndyityii okuti* Siovaa makala naame,+ andyikevetaata-mo* ngeetyi Siovaa apopile.”+

13 Susuwee ape elao Kalembe omona wa Sefunee, emwaavela ofika yo Hemboloo ngayo ikala yae.+ 14 Ongootyo o Hemboloo yakakala ya Kalembe omona wa Sefunee watuka mu Kenasi, mokonda walandulile Siovaa Huku yova Isilayeli nomutima wae auho.+ 15 Kohale o Hemboloo ankho itiwa o Kiliyate-Alumba+ (Alumba ankho oe omunene vali povalume aveho vokwatuka mu Anake). Otyilongo atyipululukwa-po kovilwa.+