Susuwee

21 Pahe onohongoi mbo vomuhoko wa Levii, avapopi nomunakwa Eliyasale,+ na Susuwee omona wa Nuu, nononkhalamutwe mbo vomihoko viova Isilayeli, 2 etyi veli ko Silo,+ motyilongo tyo Kanaa, avati: “Siovaa watumine Mwisesi, etupopila okuti onthwe tuna okupewa omapunda-umbo omu matukala, nomalihilo opo tulisile-mo ovipako vietu.”+ 3 Mokonda yeetyi Siovaa atumine, ova Isilayeli avelipolo omapunda-umbo+ amwe nomalihilo atyo, avaavela vomuhoko wa Levii.+

4 Vatetekelele okupewa, ovana va Kowate,+ vomuhoko wa Levii vatuka momunakwa Alau. Vapelwe omapunda-umbo 13, veepelwe no vomuhoko wa Sundaa,+ nowa Simiyau,+ nowa Mbesamii.+

5 Ovakwavo vokwatuka mu Kowate, vapelwe* omapunda-umbo 10, vapelwe no vomuhoko wa Efalaii,+ nowa Ndaa, novana vamwe vomuhoko wa Manasesi.+

6 Vokwatuka mu Seleso,+ vapelwe omapunda-umbo 13, vapelwe no vomuhoko wa Isakale, nowa Asele, nowa Nafitalii, novana vamwe vomuhoko wa Manasesi mo Mbasaa.+

7 Vokwatuka mu Melali,+ monombunga mbavo, vapelwe omapunda-umbo 12. Veepelwe no vomuhoko wa Lumbe, nowa Ngande, nowa Sembulau.+

8 Ova Isilayeli, avaavela vokwatuka mu Levii omapunda-umbo oo nomalihilo atyo, ngeetyi Siovaa atumine Mwisesi.+ Pokuveavela vatalesile.

9 Vomuhoko wa Sundaa, nowa Simiyau, vaavele omapunda-umbo oo apopiwa.+ 10 Omapunda-umbo oo oyaa apelwe ovana va Kowate vokwatuka mu Alau, vomuhoko wa Levii, mokonda, ovo vatetekelele okupewa. 11 Veveavelele epunda-umbo lyo Kiliyate-Alumba,+ (Alumba o tate ya Anake) tupu litiwa o Hemboloo,+ mohika yonomphunda mbo Sundaa nomalihilo atyo. 12 Mahi omapia atyo, apelwe Kalembe omona wa Sefunee, atyiho nonosandyala mbatyo.+

13 Omapunda-umbo vokwatuka momunakwa Alau vapelwe, omapunda-umbo okutaulila una wamaipaa,+ tyati: O Hemboloo+ nomalihilo atyo, o Limbina+ nomalihilo atyo, 14 o Satile+ nomalihilo atyo, o Esitemowa+ nomalihilo atyo, 15 o Holoo+ nomalihilo atyo, o Ndembile+ nomalihilo atyo, 16 o Aii+ nomalihilo atyo, o Sutaa+ nomalihilo atyo, o Mbete-Seme nomalihilo atyo. Omihoko ovio vivali viapelwe omapunda-umbo etyive.

17 Vomuhoko wa Mbesamii, vevepele epunda-umbo lyo Simbeau+ nomalihilo atyo, no Semba nomalihilo atyo,+ 18 no Anatote+ nomalihilo atyo, no Alumoo nomalihilo atyo. Vevepele omapunda-umbo ekwana.

19 Omapunda-umbo aeho nomalihilo atyo+ apelwe ovanakwa vokwatuka mu Alau, ena 13.

20 Ovakwavo onombunga mbova Kowate, vomuhoko wa Levii, pokwatalesa avapewa omapunda-umbo no vomuhoko wa Efalaii. 21 Vapelwe omapunda-umbo okutilila una waipaa.+ Omapunda-umbo oo, tyati: O Sikei+ nomalihilo atyo monomphunda mbo Efalaii, o Sesele+ nomalihilo atyo, 22 o Kimbisaii nomalihilo atyo, o Mbete-Oloo+ nomalihilo atyo. Vapelwe omapunda-umbo ekwana.

23 Vomuhoko wa Ndaa vevepele epunda-umbo lyo Eleteke nomalihilo atyo, no Simbetone nomalihilo atyo, 24 no Aisaloo+ nomalihilo atyo, no Ngate-Limoo nomalihilo atyo. Vevepele omapunda-umbo ekwana.

25 Vamwe vomuhoko wa Manasesi vevepele epunda-umbo lyo Taanake+ nomalihilo atyo, no Ngate-Limoo nomalihilo atyo. Vevepele omapunda-umbo evali.

26 Omapunda-umbo nomalihilo atyo onombunga mbova Kowate vapelwe, ena 10.

27 Vamwe vomuhoko wa Manasesi vapele vokwatuka mu Seleso,+ vomuhoko wa Levii omapunda-umbo okutaulila una waipaa. Omapunda-umbo oo, tyati: O Ngolaa+ mo Mbasaa nomalihilo atyo, no Mbeesitela nomalihilo atyo. Vevepele omapunda-umbo evali.

28 Vomuhoko wa Isakale+ vevepele epunda-umbo lyo Kisioo nomalihilo atyo, no Ndambelate+ nomalihilo atyo, 29 no Salemute nomalihilo atyo, no Ene-Nganii nomalihilo atyo. Vevepele omapunda-umbo ekwana.

30 Vomuhoko wa Asele,+ vevepele epunda-umbo lyo Misale nomalihilo atyo, no Ambandoo nomalihilo atyo, 31 no Helikate+ nomalihilo atyo, no Leombe+ nomalihilo atyo. Vevepele omapunda-umbo ekwana.

32 Vomuhoko wa Nafitalii vevepele omapunda-umbo okutaulila+ una waipaa. Omapunda-umbo oo, tyati: O Kendesi+ mo Ngalileya nomalihilo atyo, o Hamote-Ndole nomalihilo atyo, o Kalataa nomalihilo atyo. Vevepele omapunda-umbo etatu.

33 Omapunda-umbo apelwe vokwatuka mu Seleso, mokwelikalaila kwavo mombunga, ena 13, nomalihilo atyo.

34 Vokwatuka mu Melali,+ vamwe po vomuhoko wa Levii, vapelwe no vomuhoko wa Sembulau+ omapunda-umbo aa: O Sokineau+ nomalihilo atyo, no Kalata nomalihilo atyo, 35 no Ndimina nomalihilo atyo, no Naalali+ nomalihilo atyo. Vapelwe omapunda-umbo ekwana.

36 Vomuhoko wa Lumbe vevepele epunda-umbo lyo Mbesele+ nomalihilo atyo, no Saasi nomalihilo atyo,+ 37 no Kendemote nomalihilo atyo, no Mefaate nomalihilo atyo. Vevepele omapunda-umbo ekwana.

38 Vomuhoko wa Ngande+ vevepele omapunda-umbo okutaulila una waipaa. Omapunda-umbo oo, tyati: O Lamote mo Sileyande+ nomalihilo atyo, o Maanaii+ nomalihilo atyo, 39 o Hesimboo+ nomalihilo atyo, o Sasele+ nomalihilo atyo. Vevepele omapunda-umbo ekwana.

40 Aveho vokwatuka mu Melali, vamwe po vomuhoko wa Levii, vapelwe omapunda-umbo 12 mokwelikalaila kwavo monombunga.

41 Omapunda-umbo aeho nomalihilo atyo+ vomuhoko wa Levii vapelwe nova Isilayeli, ena 48. 42 Omapunda-umbo oo aeho ena omalihilo — aeho ankho ongootyo ekahi.

43 Ongootyo Siovaa atetailile ova Isilayeli aveho otyilongo atile metyaavela ovakwaukulu vavo,+ avetyipewa, ngamo vakala.+ 44 Siovaa wevepele ombembwa, ngeetyi apopilile ovakwaukulu vavo.+ Ponondyale mbavo ambuho, naike yetyivilile okuvelwisa.+ Siovaa wapakulile peke liavo+ onondyale mbavo ambuho. 45 Ovipuka aviho oviwa* Siovaa atile malingila eumbo lya Isilayeli, natyike tyakambele-po. Atyiho apopile tyafwisilwe-po.+