Wa Vali Wahonekelwa Ova Kolindu
2 Ame pahe nati umwe apa ndyiya vali oko hihande ndyimunumanese. 2 Mokonda ame ine ndyimunumanesa, opo oko olie manthyambukiswa, hanwe umwe vala nanumanesa? 3 Otyo nahoneka otyo, nahatie tyina ndyiya oko, ava ankho napamena avanumanesa ngwe ankho ñgeno ovo vanthyambukiswa; ame ndyityii okuti etyi tyimpha ehambu, noonwe amuho tyimupa ehambu. 4 Ame ndyimuhonekela tupu ñgaa neihamenwa, omutima watokota, ndyili nokutokesa ononkhuka, mahi hakuti nahanda onwe munumane,+ nahanda vala munoñgonoke okuti ndyimuhole unene.
5 Ou ulinga etyi tyinumanesa,+ hame anumanesa, wanumanesa onwe amuho — hihande etyi napopia tyimwiihame. 6 Etyi ovanyingi valinga-le tyokuviyula omulume oo, tyatuuka; 7 mahi pahe onwe lingei vala tyokankhenda mweevelei, amumupameka,+ ehelipetamene unene vala pahe ngatyo vali tyimuleka.*+ 8 Ame ndyimuti, mulingei umwe olwembia nae etyimono okuti mumuhole.+ 9 Mokonda tupu etyi natila ndyimuhonekele otyetyi: okwahanda okutala etyi onwe mamulingi tyitisa umwe onwe mutavela movipuka aviho. 10 Ine onwe mweevela umwe una etyi alinga, ame naame ndyimweevela. Ngwe tyili, etyi ame namati tyikale (ine pena etyi nati tyikale vala) onwe netyilingila, na Kilisitu etyimone, 11 opo Satanasi liehetuvile,*+ mokonda onomphango mbalio tumbwii.*+
12 Etyi nehika ko Tolowande+ nakapopia oviwa ovipe viayemba ku Kilisitu, andyiikulilwa ombundi, mu Tatekulu,* 13 mahi anahakala-le nawa tyeetyi mukwetu hemuvasile-ko, Titu.+ Pahe andyiveti tutyendei, andyikaya no ko Masendonia.+
14 Mahi ndyipandula Huku, apeho utukalela komutwe lwovita vitwa ondolo vili kumwe na Kilisitu, mwoonthwe mutunda omuniko wenoñgonoko liae wekeivala* monohika mbatyo ambuho! 15 Mokonda ku Huku onthwe twanika nawa twalinga efi* lya Kilisitu pokati ka ava veli nokuyovoka naava veli nokuvomba-ko; 16 ku ava vokwesaililwa twanika efi liononkhia livetwala* kononkhia,+ ko vo tete, twanika efi liomwenyo livetwala komwenyo. Pahe olie wata movipuka ovio? 17 Onthwe twata-mo, mokonda onthwe katulandesa ondaka* ya Huku+ ngeetyi ovanyingi valinga, mahi onthwe tupopia otyili lwokwatumwa umwe na Huku, na Huku utyilwete, onthwe tuli kumwe na Kilisitu.