Luti
1 Pononthiki vokuteta onomphela+ vali ovatumini, motyilongo tyo Isilayeli amutokela ondyala. Omulume umwe atundu ko Mbelei+ ko Sundaa, ailukila kotyilongo tyo* Moambe,+ aende nomukai wae novana vae vevali ovakwendye. 2 Omulume oo utiwa o Elimeleke,* omukai wae o Noemii,* ovana vavo vevali tyati umwe o Maloo* omukwavo o Kiliyoo.* Vali ova Efalata vomo Mbelei ko Sundaa. Okuhika oko, avehikila momapembe o Moambe ngamo vakala.
3 Etyi pakala, Elimeleke omulume wa Noemii anyimi, Noemii esala omuhepe novana vae vevali. 4 Apakala-apakala, ovana ovo avanepe ovahikwena ova Moambe, umwe o Olopa omukwavo o Luti.+ Avakala motyilongo omo omanima 10. 5 Pahe ovana ovo vevali, Maloo na Kiliyoo navo avanyimi, Noemii ati umwe omulume utupu vali, ovana utupu-vo vali. 6 Etyi atala, Noemii asoko ati, hahe okutunda-ko kotyilongo tyo Moambe, mokonda nae novakwekai vae* weivile okuti Siovaa pahe wahinangela ovanthu vae, wevepa okulia.*
7 Atyiti na Noemii novakwekai vae, oku vakala avatundu-ko. Etyi vati mondyila okwenda no kotyilongo tyo Sundaa, 8 Noemii apopila ovakwekai vae* ati: “Kondokei ko vonyoko. Siovaa emulinge olwembia olunene,+ esuke noonwe ngeetyi onwe ankho muhole ovalume venyi neetyi mwandinga onkhenda. 9 Siovaa emukwateseko, atyiti ou wavasa omulume ou wavasa omulume munepwe opo mukale nawa.”+ Ai mokuvepa ombesu, ngwe avahimbika okulila, avalili unene. 10 Otyo valila avati: “Katukondoka! Matweende vala atuho, matukakala atuho ko venyi.” 11 Noemii eveti: “Vana vange, kondokei. Omokonda yatyi muhandela twende atuho? Okuti nkhele mandyikutula vali ovana mavemunepe?+ 12 Vana vange, kondokei. Kondokei, ame nakulupa-le hinepwa vali. Nga ndyinepwa vala otyinthiki tyo hono andyikala novana, 13 okuti mamuvekevelela vekule? Mamukala tyahanepwa ngavo mukevelela? Kamatyitavela-le vana vange. Tyindyihama unene okumutala etyi mukahi, Siovaa wanthyitukila-po.”*+
14 Avalili vali unene, ou pahe Olopa ape ina-ivi ombesu, akondoka. Luti ehetavela, ahaende. 15 Noemii emuti: “Tala, twambwa twove wakondoka kovanthu votyilongo tyae, wakondoka kono huku mbae. Kondoka, endei na mukwenyi.”
16 Luti ati: “Wahankhuluminye ndyikondoke, ame himekuyeke-po mandyeende umwe noove. Oku wenda naame oko mandyeende, apa ukalala naame opo mandyikalala. Venyi vakalinga vetu, Huku yove ukalinga Huku yange.+ 17 Oku ukankhila naame oko mandyikankhila, ngaako ndyikapakwa. Matyindyapula vala kwoove ononkhia, ame okukuyeka-po opo Siovaa amonese umwe ononkhumbi.”
18 Etyi Noemii amona okuti Luti kahande okumusa-po emuyeke, ehemukuluminya vali. 19 Ovo Noemii na Luti avaende avekehika mo Mbelei.+ Vati vala hikee, ovanthu aveho mepunda-umbo avahuvu, ovakai otyo vati: “Ou nkhwali ha Noemii-ko!” 20 Ngwe otyo apopila ovakai ovo okuti: “Mwahanthiei vali Noemii,* pahe ndyitiwa o Mala,* Wokuvila Atyiho watyopola omwenyo wange, kawapepele vali.+ 21 Etyi naya nali natyo, mahi Siovaa wankhondola mankhanya. Mwahanthiei vali Noemii, Siovaa wanthyitukila-po, Wokuvila Atyiho wandyietela ovitateka!”+
22 Ongootyo Noemii atunda kotyilongo tyo Moambe+ na Luti omukwekai wae omu Moambe. Vehika mo Mbelei pokuhimbika okuteya osevata.+