Luti
3 Noemii apopila Luti omukwekai wae ati: “Mona wange, nahanda okukwovolela eumbo,*+ nahanda ukale nawa. 2 Mbowasi o wetu,+ ovahikwena waundapa navo ovaundapi vae. Ngwe pahe otyinthiki tyo hono Mbowasi makayela osevata yae potyipale. 3 Pahe linga ñgaa, likoha oliwaveka omulela wanika nawa, vala ovikutu* oviwa viatyo oende potyipale. Tyina wamai potyipale, wahahololoke ku Mbowasi, ehekumone, nkhele amane umwe okulia amane umwe okunwa. 4 Tyina pahe akalangala-po, tala nawa apa akalala. Enda-po omuhikulula konomphai olangalela kovikalo. Ngwe mekupopila etyi molingi.”
5 Luti ati: “Ewaa otyo mandyilingi, mandyikalinga etyi wapopia.” 6 Pahe aende kotyipale alingi etyi ina-ivi emupopila. 7 Mbowasi ali, anu ahambukwa unene. Pahe akalangala-po ponthumbo yosevata yayelwa-le. Luti eliyombeleka-po emufikulula konomphai alangalela kovikalo viae. 8 Mokati kovinthiki Mbowasi ahimbika okuteketa, waandwa apinduka-po. Tyina akati ñgaa, kovikalo viae kulangi omukai. 9 Apulu ati: “Ove-lie?” Luti akumbulula ati: “Ame Luti omupika wove. Tandaveka omanda* yove komupika wove, ove, ove muyovoli.”+ 10 Mbowasi ati: “Siovaa ekuyambe mona wange. Ovipuka walinga mona wange ovinene, vialekesa okuti uhole ovanthu, mahi pahe etyi walinga otyinene vali,+ soka kwakaovolele ovakwendye, tyilinge ovahepi tyilinge ovahona. 11 Mona wange, wahatile owoma. Mandyilingi atyiho wapopia,+ ovanthu aveho mepunda-umbo* vetyii okuti umunthu omuwa. 12 Otyili, ame umwe muyovoli+ mahi mwene pena omuyovoli watyo mwene tipi-tipi.+ 13 Langala-po tutale apa kutya komuhuka ine mekuyovola, opo tyikahi nawa! Ekuyovole.+ Mahi ine kahandele okukuyovola, ame mandyikuyovola, ndyikupopila otyili na Huku umwe una omwenyo Siovaa. Langala-po tukevele kutye.”
14 Alangalela kovikalo viae atee komuhuka, apinduka-po tyina nkhele kuheneandyuluke ovanthu vehemwiimbuke. Pahe Mbowasi ati: “Pahamone ou utyinoñgonoka okuti pena omukai weile potyipale pano.” 15 Tupu ati: “Eta omulele oo welifika uyala pohi.” Luti akwata omulele, Mbowasi apake-po ovimbala epandu* viosevata emutwiki-ko, pahe Mbowasi anyingila mepunda-umbo.
16 Luti akondoka keumbo, ina-ivi emupulu okuti: “Tyaenda ñgeni* mona wange?” Luti apopila ina-ivi atyiho Mbowasi alinga. 17 Apopi vali ati: “Wampha ovimbala epandu viosevata ati: ‘Wahaye vala mankhanya ku nyoko-ivi.’” 18 Ngwe ina-ivi ati: “Pahe pumphama vala mona wange, utale oñgeni matyiende. Omulume oo kemetyiyeke, kamapululukwa ahaviukisa otyitateka etyi hono.”