Luti
4 Mbowasi aende kombundi yepunda-umbo,+ apumphama. Tala! Kapakalele ehimbwe, tyina akati ñgaa, omuyovoli una apopile,+ oyo ulamba. Mbowasi ati: “Ngandi, nkhele endyu kuno, pumphama apa.” Ngwe eya no pu Mbowasi apumphama. 2 Mbowasi aihana ovakulu 10 vomepunda-umbo,+ ati: “Pumphamei apa.” Ovo avapumphama.
3 Pahe, Mbowasi apopila omuyovoli ati:+ “Noemii wakondoka, kotyilongo tyo Moambe watunda-ko,+ pahe una yokulandesa ohika ya Elimeleke, omukulu wetu.+ 4 Pahe nati ndyikupopile-tyo, ndyitie: ‘Ilanda-po umwe ovanthu aveho avetyimono, novakulu vomepunda-umbo avetyimono.+ Ine moilande wiiyovole, iyovola. Mahi ine kumeiyovola, mphopile ndyityinoñgonoke, ove, ove umwe umuyovoli wayo, ame ndyikwama kwoove.’” Ngwe ati: “Ame nafwapo, mandyiiyovola-ko.”+ 5 Mbowasi ati: “Onthiki ulanda ofika oyo ku Noemii, una okulanda-po noya Luti omu Moambe, omukai womweendi, ofika ya Maloo ikale menyina liae.”+ 6 Okwiiva otyo, omuyovoli ati: “Ame himetyivili okwiyovola-ko, mandyipeseka ko tyange. Ove iyovola-ko vala, iyovola-ko vala ngatyina ame, ame himetyivili okwiyovola-ko.”
7 Kohale, ova Isilayeli, tyina omunthu umwe oe ñgeno uyovola ohika yo wavo, pahe etyaavela mukwavo, ulinga ñgaa: Ulula olukaku lwike,+ elwaavela ou meiyovola-ko, opo ovanthu aveho* mo Isilayeli vetyimona okuti mwene oe welipola-tyo. 8 Etyi omuyovoli apopila Mbowasi okuti: “Ove iyovola-ko,” alulu-ko olukaku lwae lwike. 9 Pahe Mbowasi apopila ovakulu vomepunda-umbo, apopila ovanthu aveho, ati: “Onwe hono munombangi mbange,+ ame ndyikahi nokulanda ku Noemii atyiho tyali tya Elimeleke, neetyi tyali tya Kiliyoo na Maloo. 10 Mandyinepe Luti omu Moambe, omukai wa Maloo, mandyimunepe tyomweendi tyikale umwe kenyina liae.+ Enyina liomweendi likala-kala mombunga yae, likale pokati kovanthu vomepunda-umbo.* Onwe pahe hono, munombangi mbange.”+
11 Ovanthu aveho, novakulu aveho veli kombundi yepunda-umbo avati: “Yoo tunombangi! Siovaa ayambe omukai meya meumbo liove. Akale nga Lakele na Leya, vokwatunga eumbo lyo Isilayeli.+ Kala omuhona mo Efalata,+ okala nenyina ewa* mo Mbelei.+ 12 Siovaa makwatesako omuhikwena oo ekwavela ovana,+ eumbo liove likale ngo lya Pelesi,+ omona wovo Tamale na Sundaa.”
13 Mbowasi avelinepe na Luti. Alala na Luti, Siovaa akwatesako Luti, Luti alingi omulemi, akutula omona omukwendye. 14 Ava ovakai avapopila Noemii, okuti: “Siovaa ahilivikwe, mokonda kekuyekele ukale tyehena omuyovoli. Enyina liae lihilivikwe mo Isilayeli! 15 Omona ou* wekwaavela vali ononkhono,* mekutekula tyina wamakulupa, mwene omona womukwekai wove ukuhole,+ omona walamba-po ovana epandu-vali.” 16 Noemii akwata omona oo, emupake kovikalo, emutekula nawa.* 17 Vakwavo vakala navo ngavo vemuluka enyina. Avati: “Noemii watyitilwa omona.” Avemuluku okuti o Ombende,+ Ombende atyiti Sesee,+ Sesee atyiti Ndaviti.
18 Ou omuhoko wa* Pelesi:+ Pelesi watyita Hesiloo,+ 19 Hesiloo atyiti Lau, Lau atyiti Aminandambe,+ 20 Aminandambe+ atyiti Nasoo, Nasoo atyiti Salumoo, 21 Salumoo atyiti Mbowasi, Mbowasi atyiti Ombende, 22 Ombende atyiti Sesee,+ Sesee atyiti Ndaviti.+