Omukanda wo Tete wa Samuwele

27 Ndaviti elipopila ai: “Nthiki imwe Saulu mandyipaa. Otyipuka ndyina okulinga,+ okukaholama kotyilongo tyova Filisitiya; ine ndyilinga ngootyo Saulu kamandyovola vali mo Isilayeli,+ andyihupu kokuvoko kwae.” 2 Ndaviti novakwa-vita vae 600 ena-vo,+ avaende ku Akisi+ omona wa Maoke, ohamba yo Ngate. 3 Ndaviti novita viae, novo momaumbo avo, avakakala na Akisi ko Ngate. Ndaviti ankho waya novakai vae vevali, Ainowa+ omu Sesiliyeli na Ambingaili+ omu Kalumelu, omuhepe wa Nambale. 4 Etyi Saulu etyiiva okuti Ndaviti wapita no ko Ngate, ehemwovola vali.+

5 Ndaviti apopila Akisi ati: “Ine tyaviuka kwoove, mphevo ohika kondye yepunda-umbo ngako ndyikakala. Okuti ame muundapi wove ndyihiwa ndyikakale noove tatekulu mombala?” 6 Akisi emwavela o Sikalange+ monthiki oyo. Otyo o Sikalange yakalela yo nohamba mbo Sundaa atee hono.

7 Ononthiki Ndaviti akala kondye yepunda-umbo liova Filisitiya, mbutuuka enima nonohanyi ononkhwana.+ 8 Ndaviti novita viae valwisile ova Sesule,+ nova Silisita, nova Amaleke+ vakalaile motyilongo tyihimbikila ko Telau atee ko Sule,+ okweenda no konohika mbo Isitu. 9 Tyina Ndaviti ankho alwisa otyilongo otyo, ankho kahupisa nawike, tyilinge omulume tyilinge omukai.+ Ankho uvepunda onongi, no nongombe, novimbulu, nomakamelu, novikutu; ankho uvelinga ngootyo otyo akondoka ku Akisi. 10 Tyina Akisi amapulu Ndaviti okuti: “Opi hono walwisa?” Ndaviti ankho umuti: “Okombwelo* mo Sundaa,”+ pamwe ati: “Okombwelo mo Selameeli,”+ ine ati: “Okombwelo mo Keneu.”+ 11 Ndaviti ankho kahupisa nawike, nii omulume nii omukai, atwalwa ko Ngate, mokonda Ndaviti ankho usoka okuti: “Mavakapopia etyi nalinga.” (Otyo ankho alinga ngootyo, ononthiki ambuho akala kondye yepunda-umbo liova Filisitiya.) 12 Akisi ankho utavela ku Ndaviti, ankho usoka okuti: ‘Tyotyili ovanthu vae ova Isilayeli vemuyele;* pahe apeho makala omuundapi wange.’