Omukanda wa Vali Ehipululo
4 Pahe alingi omutala wovilikutila wotyitasu+ una onokovandu 20 moule, onokovandu 20 mounthanda nonokovandu 10 okwaya no peulu.
2 Atungu Elunga*+ liotyivela tyokwayokwa. Lieliseta elola, omwoyo watyo una onokovandu 10, mokutai lina onokovandu 5, tyesukisile epanda liokuheteka lina onokovandu 30 opo lilisete nalio.*+ 3 Mombwelo yomwoyo okuliseta nalio liayolwa ounthenda.+ Mokovandu ike ononthenda 10, okuliseta nalio. Muna omitete vivali viononthenda mbayokwa ambumatwa Kelunga. 4 Elunga olio liali kombanda yononthwei 12,+ 3 mbapilukila kombanda, 3 mbapilukila koutakelo, 3 mbapilukila kombwelo, 3 mbapilukila koutundilo. Elunga olio lipumphi kombanda yambo, onongombe ombo ambuho mbatyindamena mulio. 5 Omulita walio mounthanda ulifwe peke,* omulungu walio walingwa ngomulungu wolufo, ukahi ngonthemo. Elunga olio lityinda onombatu* 3.000.
6 Tupu walingile omatangi 10 okukohela. Apake omatangi etano kokulio kwondywo, omakwavo etano eepake kokumbili.+ Omo, omo mukohelwa ovipuka aviho viuundapwa navio povilikutila viokuyokwa.+ Mahi omeva Omelunga, oo, oo ovanakwa okulikoha.+
7 Alingi ovikandiyelo 10 vioolu+ ngeetyi tyahonekwa,+ evipake mondywo ya Huku, vitano kokulio, vitano kokumbili.+
8 Tupu alingi onomesa 10, embupake mondywo ya Huku, ononthano kokulio, ononthano kokumbili.+ Alingi vali ovilindo 100 vioolu.
9 Alingi epata+ liovanakwa+ nepata* enene,+ nomapito epata enene. Omapito eehoto notyitasu. 10 Elunga elipake kokulio kwondywo alihulu kombanda.+
11 Hilau tupu alingi oviyukilo vietwe, nonopaa, novilindo.+
Hilau amane ovilinga alingila ohamba Salomau, vyo mondywo ya Huku yotyotyili:+ 12 Onomphandyi onombali,+ nomitwe viatyo vikahi ngomaholo vili keulu lionomphandyi; nomawanda evali+ okufika omitwe viokukahi ngomaholo vili keulu lionomphandyi onombali; 13 nomalomaa 400+ o komawanda evali okufika omitwe vionomphandyi viokukahi ngomaholo. Omawanda aeho ali nomitete viomalomaa. Tyati ou una omitete vivali, ou una omitete vivali,+ 14 noutuku-tuku* 10, nonombasiya 10 mbuli kombanda youtuku-tuku;+ 15 Nelunga, nononthwei 12 oku lipumphi;+ 16 noviyukilo vietwe, nonopaa, nonongalufu,+ novityuma aviho ovikwavo viundapela kumwe navio. Hilau-Ambive+ walingila Ohamba Salomau ovipuka ovio aviho notyitasu tyasolwa nawa viondywo ya Siovaa. 17 Ohamba aivilingila kotyilongo tyo Solondau monofoloma mbe ema liokwakaluka, pokati ko Sukote+ no Selenda. 18 Ovipuka ovio aviho, Salomau wevilingile ovinyingi-nyingi. Otyitasu katyapeyalelwe.+
19 Salomau alingi ovityuma aviho+ vyo mondywo ya Huku yotyotyili: Omutala wovilikutila woolu,+ nonomesa+ mbokupakwa onombolo mbotyiawa;+ 20 novikandiyelo ovilaale nomitwe viatyo vioolu yakangulwa,+ opo vikale tyatema mondywo yo mokati omu mwetyipopila umwe ovitumino; 21 nononthemo, nonolambata, novivela viokunyima* vioolu, oolu yakangulwa nawa; 22 no viokunyima omutemo, novilindo, nomalufo,* novitenyo vialingwa noolu yatyo mwene; ombundi yondywo, nomapito omokati okunyingila Momphangu Ikola Unene,+ nomapito ondywo aiho ya Huku, wevilingile noolu.+