Omukanda wa Vali Onohamba
13 Menima 23 Seowasi+ omona wa Akasiya atumina, Akasiya+ ohamba yo Sundaa, Seowakasi omona wa Seuu+ akala ohamba mo Isilayeli ko Samaliya, atumina omanima 17. 2 Walingile etyi tyapenga komaiho a Siovaa, alingi ñgoo onkhali ina Selombowau omona wa Nembate, alingisisile+ ova Isilayeli. Keiyekele-po. 3 Mokonda yotyo onyengo+ ya Siovaa no Isilayeli+ ainkhinduka, mokweenda kwononthiki ombo ambuho, evepakula pomavoko a Hasayeli+ ohamba yo Silia, no pomavoko a Mbeni-Handande+ omona wa Hasayeli.
4 Etyi pakala, Seowakasi aiti okankhenda ka* Siovaa, Siovaa emwivi, mokonda wamona ononkhumbi ohamba yo Silia ikahi nokwetela ova Isilayeli.+ 5 Siovaa ataindyila ova Isilayeli omuyovoli,+ opo eveyovole pomavoko ova Silia; ova Isilayeli avakala momaumbo avo ngo kohale.* 6 (Mahi, kavayekele-po onkhali yo meumbo lya Selombowau ina alingisisile+ ova Isilayeli. Vatwaileko okulinga onkhali oyo,* otyipandyi tyikola*+ tyitwalako tyitai ko Samaliya.) 7 Seowakasi esala vala nomafwalali 50 okweendela kononkhambe, nomatemba ovilwa 10, nomafwalali 10.000 okweenda konomphai, mokonda ohamba yo Silia yevehanya-ko,+ aiveliataila pohi avakala ngombuma yo potyipale.+
8 Ovipuka ovikwavo viehipululo lya Seowakasi, ovipuka aviho alinga, novilinga viae aviho ovinene, kaviahonekelwe momukanda womahipululo o pononthiki mbonohamba mbo Isilayeli? 9 Seowakasi akapululukwa-po novakwaukulu vae, avekemupaka ko Samaliya;+ omona wae Seowasi emupingi kouhamba.
10 Menima 37 Seowasi ohamba yo Sundaa atumina, Seowasi+ omona wa Seowakasi, alingi ohamba yo Isilayeli mo Samaliya atumina omanima 16. 11 Walingile etyi tyapenga komaiho a Siovaa ahayeke-po ononkhali mba Selombowau omona wa Nembate, mbuna alingisisile+ ova Isilayeli. Walingile ñgoo ononkhali ombo ehembuyeke-po.*
12 Ovipuka ovikwavo viehipululo lya Seowasi, ovipuka aviho alinga, ovilinga viae aviho ovinene, neetyi alwisile Amasiya ohamba yo Sundaa,+ kaviahonekelwe momukanda womahipululo o pononthiki mbonohamba mbo Isilayeli? 13 Pahe, Seowasi akapululukwa-po nonombwale mbae, Selombowau*+ emupingi povipundi. Seowasi akapakwa ko Samaliya komaendo onohamba mbo Isilayeli.+
14 Etyi Eliseu+ avasiwa nonombela mbemwipaele, Seowasi ohamba yo Isilayeli aende oku ali, awili kwe ahimbika okulila otyo ati: “Tate yange, tate yange! Etemba liovilwa lyo Isilayeli novanthu vokweenda nononkhambe!”+ 15 Eliseu emupopila okuti: “Kwata onkhondyi nonohevo.” Akwata onkhondyi nonohevo. 16 Apopila ohamba yo Isilayeli okuti: “Kwata nawa na uyahe.” Akwata na ayahe, Eliseu apake omavoko ae kombanda yomavoko ohamba. 17 Pahe ati: “Ikula ondyanena yapilukila koutundilo.” Ngwe eiikula. Eliseu ati: “Yaha!” Ngwe ayahe. Eliseu ati: “Oyo ohevo ya Siovaa yokuyovola,* ohevo yokutilisa ova* Silia! Ove tatekulu mokavanga* ova Silia ko Afeke+ atee vapwa-po.”
18 Eliseu emupopila vali okuti: “Kwata onohevo,” ngwe embukwata. Apopila ohamba yo Isilayeli okuti: “Yaha pohi.” Ayahe tutatu pohi, atalama. 19 Omunthu wa Huku yotyotyili anumana unene emupopila okuti: “Tatekulu ove ñgeno wayaha pohi tutano oo tyivasa pepandu! Ine otyo walingile ngootyo tatekulu ñgeno wavanga ova Silia atee vapwa-po, mahi pahe tatekulu mokavanga vala ova Silia tutatu.”+
20 Eliseu pahe anyimi, akapakwa. Pali ovanthu ovanyingi onongangala+ ova Moambe, vehole okuya motyilongo konthyimbi yenima.* 21 Onthiki imwe ovalume vamwe veli nokupaka omunthu melangalo, etyi vavasiwa novifwanga avemuyumbu melangalo lya Eliseu avakahateka. Etyi omunthu oo ayama komankhipa a Eliseu, atutila+ apinduka-po.
22 Hasayeli+ ohamba yo Silia, wamonesa ononkhumbi ova Isilayeli+ ononthiki ambuho Seowakasi atumina. 23 Mahi, Siovaa eveetehila-mo okankhenda, evelingi olwembia,+ esuku navo mokonda yomphango alingile na Ambalayau+ na Isake+ na Sakoo.+ Kahandele okuvehanya-ko nii okuvetaata ponthele yae atee hono. 24 Etyi Hasayeli ohamba yo Silia anyima, omona wae Mbeni-Handande, emupingi kovipundi. 25 Seowasi omona wa Seowakasi, apolo ku Mbeni-Handande omona wa Hasayeli, omapunda-umbo ana apolele ku tate yae Seowakasi, movilwa. Seowasi emulwisa atili-ko*+ tutatu, emupolo omapunda-umbo o Isilayeli.