Omukanda wo Tete Ehipululo
9 Ova Isilayeli aveho ankho vahonekwa momikanda viomihoko, no Momukanda Wonohamba mbo Isilayeli. O Sundaa yatwailwe koupika ko Mbambilonia, mokonda kavetavelele ku Huku.+ 2 Vatetekelele okukondoka monohika mbavo no momapunda-umbo avo, ova Isilayeli vamwe, ovanakwa, no vokwatuka mu Levii, na vana ankho vaundapa mondywo ya Huku.*+ 3 Ovana vamwe va Sundaa,+ nova Mbesamii,+ nova Efalaii, nova Manasesi vakalele mo Selusalei, ovava: 4 O Utai omona wa Amiyunde, Amiyunde omona wa Onili, Onili omona wa Inili, Inili omona wa Mbani, vomuhoko wa Pelesi,+ Pelesi omona wa Sundaa. 5 Pova Silo, ankho o Asaiya otyiveli, novana vae. 6 Povana va Selaa,+ ankho o Seweli, na vana elikwai navo. Ankho vena 690.
7 Povana va Mbesamii, ankho o Saluu, Saluu omona wa Mesulau, Mesulau omona wa Hondaviya, Hondaviya omona wa Hasenuwa, 8 na Imbineya omona wa Selowau, na Elaa omona wa Usi, Usi omona wa Mikili, na Mesulau omona wa Sefatiya, Sefatiya omona wa Leweli, Leweli omona wa Imbiniya. 9 Vana ankho velikwai navo vahonekwa momukanda womuhoko, ankho vena 956. Aveho ovo, ankho onohongoi.*
10 Ovanakwa tyati o Sendaiya, na Seoyalimbe, na Sakii,+ 11 na Asaliya omona wa Hilikiya, Hilikiya omona wa Mesulau, Mesulau omona wa Sandoke, Sandoke omona wa Melayote, Melayote omona wa Aitumbe, onkhalamutwe yondywo ya Huku yotyotyili, 12 na Andaiya omona wa Selowau, Selowau omona wa Pasule, Pasule omona wa Malikiya, na Maasai omona wa Andiyele, Andiyele omona wa Sasela, Sasela omona wa Mesulau, Mesulau omona wa Mesilemite, Mesilemite omona wa Imele, 13 na vana ankho velilandula navo, onohongoi. Ankho ovalume vokwapama, vafwapo, veliava opo valinge ovilinga mondywo ya Huku yotyotyili. Ankho vena 1.760.
14 Vomuhoko wa Levii, o Semaiya+ omona wa Hasumbe, Hasumbe omona wa Asilikau, Asilikau omona wa Hasambiya, watukile momuhoko wa Melali, 15 na Mbakembakale, na Helesi, na Ngalali, na Mataniya omona wa Mika, Mika omona wa Sikili, Sikili omona wa Asafe, 16 na Ombandiya omona wa Semaiya, Semaiya omona wa Ngalali, Ngalali omona wa Sendutuu, na Mbelekiya omona wa Asa, Asa omona wa Elekana, ankho ukala konohika mbova Netofa.+
17 Vokuundapa ponombundi,+ ankho o Saluu, na Akumbe, na Talumoo na Aimaa, ankho velikwai. Saluu ankho onkhalamutwe yavo. 18 Pononthiki opo, nkhele ankho uundapa pombundi yohamba, yokwahula koutundilo.+ Ovo, ankho o vokuundapa konombundi mbononthanda mbo vomuhoko wa Levii. 19 Saluu omona wa Kolee, omona wa Embiyasafe, omona wa Kolaa, nova Kolaa ovakwavo vombunga yavo, ankho ovo vahongolela ovilinga vyo pombundi yekaka. Ovohe, vakalele notyilinga tyokuhongolela ovilinga viokuyunga kombundi yonthanda ya Siovaa. 20 Fineya+ omona wa Eliyasale,+ kohale wali onkhalamutwe yavo, Siovaa ankho una-e. 21 Sakaliya+ omona wa Meselemiya, ankho uundapa pombundi yekaka liomaliongiyo.
22 Aveho vokwakoywa opo vaundape pombundi, ankho vena 212. Ankho vakala monohika mbavo, ngeetyi tyilekesa omukanda womihoko viavo.+ Vapelwe otyilinga otyo otyinene na Ndaviti na Samuwele omutali.+ 23 Ovalume ovo novana vavo, ankho ovo vahongolela otyilinga tyokuyunga konombundi mbondywo ya Siovaa,+ itiwa ekaka. 24 Konombundi ambuho ononkhwana ankho kukala ovanthu, koutundilo, no koutakelo, no kokulio no kokumbili.+ 25 Pamwe-pamwe, vana velikwai navo, ankho vena okutunda komaumbo avo, aveya okuundapa navo ononthiki epandu-vali. 26 Povayungi vonombundi, ankho pena ovalume vekwana ononkhalamutwe,* vayumbwa onthumbi. Ovalume ovo ankho vokwatuka mu Levii, ankho ovo ononkhalamutwe mbonondywo,* nomalumono omondywo ya Huku yotyotyili.+ 27 Ankho valala apa vapakwa, okuliseta nondywo ya Huku, mokonda ankho vena otyilinga tyokwiyunga. Ankho ovo vakala nonosapi, ankho vaikula ondywo ya Huku apeho komuhuka.
28 Vamwe ankho vayunga ovipuka vaundapa navio.+ Ankho vevivalula tyina vipolwa-mo, na tyina vikondolwa-mo. 29 Ovakwavo ankho vena otyilinga tyokuyunga ovityuma, ovityuma aviho vikola,+ nohinde yanyetuka,+ novinyu,+ nomulela,+ nolimbanu,+ nomulela wombasamu.+ 30 Ovana vamwe vovanakwa, ankho vena otyilinga tyokuhonyaika omulela wokunika nawa. 31 Matitiya, womuhoko wa Levii, otyiveli tya Saluu omu Kolaa, ankho una otyilinga otyinene tyokuyunga ovipuka viokuyokwa.+ 32 Ova Kowate vamwe, na vana velikwai navo, ankho vena otyilinga tyokuyoka onombolo mbotyiawa+ movityasapalo aviho.+
33 Ovo, ankho ovaimbi, tupu ankho onohongoi mbo vomuhoko wa Levii, vokukala monondywo mbo pondywo ya Huku.* Ankho kavapondola vali okulinga ovilinga ovikwavo, mokonda ankho vaundapa otyitenya atyiho, notyinthiki. 34 Ngeetyi tyahonekwa momukanda womihoko viavo, ovo, ankho ovo onohongoi mbo vomuhoko wa Levii. Ankho vakala mo Selusalei.
35 Seiyele tate ya Simbeau, wakalele ko Simbeau.+ Omukai wae utiwa o Maakaa. 36 Omona wae wotyiveli, o Ambandoo. Akulandula Sule, na Kisi, na Mbaale, na Nele, na Nandambe, 37 na Sendole, na Aiyoo, na Sakaliya na Mikilote. 38 Mikilote atyiti Simeyau. Aveho ovo, ankho vakala mo Selusalei novakulu vavo, aveho na ava velikwai navo. 39 Nele+ watyitile Kisi, Kisi atyiti Saulu,+ Saulu atyiti Sonataa,+ na Malikisuwa,+ na Ambinandambe+ na Esimbaale. 40 Sonataa atyiti Melimbe-Mbaale,+ Melimbe-Mbaale atyiti Mika.+ 41 Mika atyiti Mikeya, na Pitoo, na Meleke, na Taleya na Akasi. 42 Akasi atyiti Salaa, Salaa atyiti Alemete, na Asimavete na Silii, Silii atyiti Mosa, 43 Mosa atyiti Mbineyaa, Mbineyaa atyiti Lefaiya, Lefaiya atyiti Eleyasaa, Eleyasaa atyiti Aseli. 44 Aseli watyitile ovana epandu: O Asilikau, na Mbokelu, na Isimayeli, na Sealiya, na Ombandiya, na Hanaa. Ovo, ankho ovana va Aseli.