Sombe
32 Pahe, ovalume ovo vetatu Sombe avehemuvili avemuyeke, ankho waanyena umwe mweetyi mwene ei tyaviuka.+ 2 Eliyuu anumana unene, Eliyuu omona wa Mbalakeli, Mbalakeli watukile mu Mbusi,+ Mbusi wavo yoo Laau. Ankho wanumanena Sombe ankho uli nokulipaka kouviuki, ngatyina aviukisa vali* ku Huku.+ 3 Tupu ankho wanumanena omapanga a Sombe etatu ankho ehetyivilile okumukumbulula nawa, avati Huku ondingavivi.+ 4 Eliyuu nkhele wevekevelele umwe vamane okupopia, ngwe na apopie nawa na Sombe, mokonda ankho ovakulu vali kwe.+ 5 Etyi Eliyuu amona okuti ovalume ovo vetatu vetupu-ale etyi mavapopi, alungulula. 6 Eliyuu omona wa Mbalakeli, Mbalakeli watukile mu Mbusi, pahe nae ati:
Otyo ame nemulingila onthilo, nkhele anahapopi,+
Ankho nati-vo vala nahapopie namphila ndyina etyi ndyii.
7 Ame natile-vo vala: ‘Mwene eti lipopie,*
Komanima omanyingi kutunde onondunge.’
8 Mahi omphepo ili movanthu,
Omphepo Yomuvili wa Atyiho, oyo ipa ovanthu ekungunyiko.+
10 Pahe mandyipopi: ‘Tehela kuno,
Naame ndyikupopile-vo etyi ndyii.’
11 Tala! Ame nakevelela umwe onwe mumane okupopia.
Onondaka mbenyi oku mbahanda okwenda nako nekumona-le,+
Natalela kovipuka mwahanda okupopia.+
12 Ame nemwiiva umwe nawa,
Mahi onwe kamwetyivilile okupopila* Sombe opo etyimone okuti wapengesa,
Nii kamwetyivilile okumupola mo yae.
13 Mwahatiei: ‘Onthwe twavasa ounongo,
Ou o Huku umuvila, kevilwa nomunthu.’
14 Sombe utupu ondaka ayumba kwaame,
Pahe ame mandyipopi tyange, himapitulula mo mbenyi.
15 Pahe vaponwa, neetyi vapopia vetupu-ale vali.
Vetupu vali ondaka.
16 Nakevelela-vo vapopie, avahapopi.
Pahe vetai-tai vala, kavapopi natyike.
17 Naame pahe naina mandyipopi-po.
Naame mandyipopi etyi ndyii,
18 Ndyina ovinyingi mandyipopi.
Nahitakana, ndyipopie-po-vo pahe.
19 Nahitakana uti vala ovinyu yapatelwa monthenda,
20 Ndyekei ndyipopie, ndyitule-vo vala omutima!
Mandyiikula omulungu wange ndyipopie.