Selemiya
4 “Ove Isilayeli, ine ukondoka,” o Siovaa wetyipopia,
“Ine ukondoka kwaame,
Ine ulipola ovilolo viove vitoyesa komaiho ange,
Kumakalaila vali okutaula-taula.+
2 Ine ove waana,
Oti: ‘Na Siovaa umwe una omwenyo!’ tyotyili umwe, tyokwaviuka, tyikahi umwe nawa,
Opo pahe, ovanthu vovilongo mavakamonena oviwa mwe,
Mwe omo mavekelimphandela.”+
3 Pahe etyi otyo Siovaa apopila ovalume vo mo Sundaa, no Selusalei wati:
“Limisei monohika mbahaliminwe,
Tyiyekei-po tyokukuna momakete.+
4 Pitei ekwendye, tyilingilei Siovaa,
Polei-ko otyikova tyo komitima vienyi,+
Onwe valume vo mo Sundaa, no vokukala mo Selusalei,
Opo onyengo yange yahateme ngotupia,
Amupi apahamono nawike utunyima,
Mokonda yovilinga vienyi ovivi.”+
5 Tyipopiei mo Sundaa, amutyiivisa mo Selusalei.
Ululei, amuhiki onkhwino motyilongo atyiho.+
Liyavelelei peulu muti: “Liongiyei,
Tutaulilei komapunda-umbo okwapama.+
6 Talamekei otyipandyi* tyiyulika ko Siyau.
Taindyei eleva muholame, mwahatalamei,”
Mokonda ame ndyili nokweeta ovihuna mavitundu kombanda,+ ehanyauno limwe enene.
7 Ondyale yatumbuka vala lwonkhulika itunda menkhondo liayo;+
Omuhanyauni wovanthu vovilongo welipaka mondyila.+
Wakatuka, otyilongo tyenyi etyilinge otyilongo tyitilisa owoma.
Omapunda-umbo enyi maahanyaunwa-po, amwahakala vali ovanthu.+
9 “Monthiki oyo” o Siovaa wetyipopia, “ohamba omutima maumutundu,+
Novanene vatyo omutima maukevetunda;
Ovanakwa mavakateketa, ovauli mavakalimbililwa.”+
10 Ame pahe andyiti: “Tatiei, Tatekulu Hamba Onene Siovaa! Ove wayondya umwe nawa-nawa ovanthu ava,+ no Selusalei etyi wati: ‘Onwe mamukamona ombembwa,’+ ngwe tuna omutunga pomunyino.”*
11 Pononthiki opo, mavakatolela ovanthu ava no Selusalei okuti:
“Omphepo yatokota maikatunda kovipunda viakukuta vyo moluhandya,
Aikafila momona omukainthu* wovanthu vange;
Otiliku kamaiya okuyela, nii kamaiya okupeya* onoñgima.
12 Omphepo maitundu oko, maiya nononkhono, ame neituma.
Pahe ame mandyiveongela omphela.
13 Tala! Ondyale maiya ngomakaka ombila;
Omatemba ayo ovilwa uti vala ombila yomphepo.+
Ononkhambe mbae, mbuhateka vali kononkhombe.+
Tatiei twaetesa, onthwe twahanywa-ko-ale!
14 Koha ovivi momutima wove, ove Selusalei, opo uyovolwe.+
Atee-pi momotesa ngootyo omalusoko omavi?
15 Kuna ondaka ipopia evi vialingwa ko Ndaa,+
Ipopia ovihuna konomphunda mbo Efalaii.
16 Tyipopiei, otyo umwe, tyipopiei movanthu vovilongo;
Tyipopiei mo Selusalei.”
“Ovayungi* ovoo veya, vakatuka kotyilongo tyo kokule,
Mavaulula onkhu yovilwa momapunda-umbo o Sundaa.
17 Veliseta nalio aliho avelipake pokati ngovalavi vo mohika,+
Mokonda wanthyitukila-po,”+ o Siovaa wetyipopia.
18 “Onondyila mbove, neevi ulinga mavikweetela.+
Ovihuna momono vialula unene,
Ngwe mavikuvete umwe komutima!”
19 Tatiei neihamenwa,* neihamenwa!
Ndyiivite olukeno lumwe olunene luveta vala komutima watyo.*
Omutima wange ukahi nokuveta unene.
20 Kuti vala, akupopiwa ovihuna evi, akupopiwa evi,
Mokonda otyilongo atyiho tyahanyaunwa.
Nakati vala ñgaa, omakaka ange mwene ahanyaunwa-po,
Novinyanga viatyo.+
21 Atee-pi mandyipange vala nokutala otyipandyi tyitai?*
Atee-pi mandyipange vala nokwiiva onkhwino ihika?+
22 “Ovanthu vange ovahima;+
Kavesukile naame.
Ovana vange vetupu onondunge, vetupu ekungunyiko.
Valunguka* unene mokulinga ovivi,
Mahi okulinga oviwa kavetyivili.”
23 Natala otyilongo etyi, tala! tyitupu natyike, oluhandya.+
Andyitale peulu, otyimimi tyapo tyavomba.+
24 Natala konomphunda, tala! mbuli nokuteketa,
Ovipunda vili nokuhiñginya.+
25 Andyitale, tala! kutupu omulume nawike,
Noviila aviho meulu viapita-pita.+
26 Natala, tala! epia liomiti viovinyango lialinga oluhandya,
Omapunda-umbo atyo atokeswa-po.+
Otyo tyakala ngootyo mokonda ya Siovaa,
Mokonda yonyengo yae yatokota.
27 Etyi otyo tyapopia Siovaa wati: “Otyilongo atyiho matyikatyituka oluhandya+
Mahi himetyihanye-po atyiho.
29 Etyi kweivala otyimbulukutu tyo vokweendela kononkhambe, no vokuyaha nonohevo,
Ovanthu aveho mepunda-umbo avataula-mo.+
Ovanthu avakanyingila moviteta,
Avalondo kononkhanda.+
Omapunda-umbo aeho asiwa-po;
Nawike vali ukala-mo.”
30 Pahe wahanyauka-po ñgaa, molingi vali ñgeni?
Ove wetyiliyile okuvala ovinyanga vikuhuka,
Viomahiwe viali vioolu,
Pomaiho olilombo otyivala otyinthikovei.
Omahiwe ove welipwilisile vala,+
Mokonda ava vekuhandaile pahe vekuyala;
31 Ndyiivite etyi tyikulumba uti omukai wavela,
Tyiliyavela ngomukai ukutula omona wae wotyiveli;
Ondaka yomona omukainthu wa Siyau uli nokutepaula omwenyo.
Utandaveka omavoko ati:+
“Tatiei, nepwila* mokonda yovanthu ava ovaipai!”