Oviimbo
Ko wokutumbula-mo. Otyovana va Kolaa.+ O Masikili.*
44 Huku yange, onthwe tweliivila-ko nomakutwi etu mwene,+
Ovakwaukulu vetu vetuhipululila
Evi walingile pononthiki mbavo,
Pononthiki mbo kohale.
Ove wakoyesa ovanthu vovilongo, ovetaata.+
3 Otyilongo etyi kavetyipiñganene nomutunga wavo mwene,+
Nii ha-kuvoko kwavo-ko kwevekwatesileko okutilisa onondyale mbavo.+
Mahi vetyivila vala mokonda yenkhanya liove liokulio,+ okuvoko kwove notyimimi tyotyipala tyove,
Mokonda ankho uvehole.+
4 Huku yange,+ ove, ove Hamba yange.
Yovola Sakoo, ayovoka umwe nawa-nawa.
6 Mokonda ame hiyumbu onthumbi monkhondyi yange,
Omutunga wange kautyivili okundyovola.+
7 Ove wetuyovola konondyale mbetu,+
Okundisa vana vetuyele.
8 Matuhivilika Huku onthiki aiho,
Atupandula enyina liae apeho-apeho. (Selaa)
9 Mahi pahe wetwaanya, wetukundisa,
Nii kweende vali novakwa-vita vetu.
10 Ove wetuyeka tutile konondyale mbetu.+
Vokutuyele vetupunda atyiho vahanda.
11 Ove wetupakula opo tuhunyaunwe ngonongi.
Wetutyandyanesa pokati kovanthu vovilongo.+
13 Ove wetuyeka tukwelwe naava tukala navo mphangu ike,
Tukalela vala okukwelwa nokupenywa novanthu aveho twelikalela navo popepi.
14 Ove wetukalesa omuhe wovanthu vovilongo,+
Ovanthu vatala-ko vala ñgana avapuku komutwe.
15 Onthiki aiho ndyikala vala tyakunda,
Nakunda umwe, naunduka.
16 Mokonda yomukwele wavo nokuleva kwavo,
Mokonda yondyale yetu ina onkhongo.
17 Ovipuka ovio aviho vietumonekela mahi no ngootyo katwekulimbilwe.
Nii katwaliatelele komphango yove.+
18 Omitima vietu kaviayapukile.
Onomphai mbetu kambayapukile mondyila yove.
19 Mahi ove utumiangaulila apa pakala ovimbandye,
Wetufika nepuputu.
20 Twalimbwa enyina lya Huku yetu,
Atuyelula omavoko etu tulikwambele kotyika-huku tyovilongo,
21 Okuti Huku kametyimono?
Huku wii evi viaholama momutima.+
22 Onthiki aiho tupakulwa vala kononkhia kombanda yove.
Twalinga onongi mbapangulwa-po mbwiipawe.+
23 Siovaa,+ pahuka-po-vo! Oityi ulalela ehimbwe ñgaa?
Pahuka-po, wehetwaanye apeho.+
24 Oityi uholekela otyipala tyove?
Oityi ulimbilwa ononkhumbi mbetu nonya tulingwa?
26 Katuka utukwateseko,+