Omukanda wo Tete Ehipululo
18 Nthiki imwe, Ndaviti alwisa ova Filisitiya, avatili-ko, apolo o Ngate+ nonohika mbutuminwa* nayo pomavoko ova Filisitiya.+ 2 Konyima, alwisa ova Moambe,+ avakala ovaundapi va Ndaviti, avahimbika okumufeta elilimu.+
3 Ndaviti alwisa Handandesele+ ohamba yo ko Sombaa+ popepi no Hamate+ atili-ko, pweetyi ekahi nokwenda kondongi Eufalate+ opo akapake-ko outumini wae. 4 Ndaviti apundu omatemba 1.000, akwate vokweendela kononkhambe 7.000, novakwa-vita 20.000 vokweendela pohi.+ Ndaviti atete omahipa ononkhambe ambuho mbokunana omakatemba, ahupisa-po vala ononkambe 100.+ 5 Etyi ova Silia voko Ndamasiku veya okukwatesako ohamba yo Sombaa Handandesele, Ndaviti aipaa ova Silia 22.000.+ 6 Ndaviti apake omafwalali ae mo Silia yo ko Ndamasiku. Ova Silia avakala ovapika va Ndaviti, avahimbika okumufeta elilimu. Konomphangu ambuho Ndaviti aya Siovaa umukwatesako.*+ 7 Ndaviti tupu apolo onondyakulilo mboolu mbokweliseta elola mbovapika va Handandesele embweeta mo Selusalei. 8 Ndaviti apolo vali ovitasu ovinyingi ko Timbate noko Kume, omapunda-umbo a Handandesele. Ovitasu ovio Salomau watungile navio Elunga+ liotyitasu nonomphandyi mbotyitasu, novityuma viotyitasu.+
9 Etyi Tou ohamba yo ko Hamate eiva okuti Ndaviti watilisa omafwalali aeho a Handandesele+ ohamba yo ko Sombaa,+ 10 atumu liwa-liwa omona wae Handolau kohamba Ndaviti opo ekemukukunye-po nokumupandula etyi atilisa Handandesele, mokonda Handandesele ankho ulwisa Tou. Handolau aetela Ndaviti ovipuka ovinyingi vioolu nopalata, notyitasu. 11 Ohamba Ndaviti asukukisa ovipuka ovio, avikala vya Siovaa+ kumwe noolu nopalata apundile kovanthu vovilongo aviho: Kova Endoo nova Moambe, nova Amoo,+ nova Filisitiya+ nova Amaleke.+
12 Ambisai+ omona wa Seluya+ waipaele ova Endoo vena 18.000 Melola Liomongwa.+ 13 Apake omafwalali mo Endoo, ova Endoo aveho avakala ovapika va Ndaviti.+ Konomphangu ambuho Ndaviti aya, Siovaa umukwatesako.*+ 14 Ndaviti atwala-ko okutumina o Isilayeli aiho.+ Watuminine nawa nouviuki opo akwateseko ovanthu vae aveho.+ 15 Sowambe omona wa Seluya onkhalamutwe yomafwalali.+ Seosafaa+ omona wa Ailunde oe omuhoneki womahipululo. 16 Sandoke omona wa Aitumbe na Aimeleke omona wa Ambiyatale, ankho ovanakwa. Savisa ankho omuhoneki. 17 Mbenaya omona wa Seoyanda ankho onkhalamutwe yova Keleta+ nova Peletita.+ Ovana va Ndaviti ankho veli pomphangu ya vali mouhamba.