Sakaliya
10 “Pomuvo wombila yonkhalula, itei ombila ku Siovaa.
Mokonda Siovaa, oe weeta-ko omakaka ombila,
Oe ulokesila ovanthu ombila,+
Oe ukulisa ovikuna momapia ovanthu aveho.
Vipopia onondyoi mbahasilivila,
Viovola okuungumanesa ovanthu nomatutu.
Ovanthu ovo, mavakakuva-kuva ngonongi,
Avakamona ononkhumbi, mokonda vetupu omunthita.
3 Nanumanena unene ovanthita,
Mandyikakoyesa ononkhalamutwe ononkhalavi.*
Siovaa womambamba ovita, makwatesako vali onongi mbae,+ eumbo lya Sundaa,
Mekevekalesa ngonkhambe yae yokwankhimana movilwa.
4 Mo Sundaa mutunda omulume onkhalamutwe,*
Mutunda omukwatesiko womutumini,*
Mutunda onkhondyi yovilwa,
Tupu mutunda ononkhalamutwe ambuho,* vatundila-mo kumwe aveho.
5 Mavakakala ngovakwa-vita,
Mavakaliata monthata yo momatapalo tyina valwa.
Mavakalwisa ovanthu, mokonda Siovaa ukahi nokuvekwatesako,+
Vokweendela kononkhambe, mavakakundiswa.+
6 Eumbo lya Sundaa, mandyikelikalesa enene,
Mandyikayovola eumbo lya Susee.+
Mandyikevepindula-po,
Mokonda mandyikakala nokankhenda navo.+
Mavakakala nawa, ngoti heveyekele-po-ale.+
Mokonda ame Siovaa Huku yavo, mandyikevekumbulula.
7 Vo ko Efalaii mavakakala ngovakwa-vita vokuna ononkhono,
Omutima wavo maukahambukwa ngatyina vanwa ovinyu.+
Ovana vavo maveketyimona, avahambukwa,
Omutima wavo maukahambukilwa unene Siovaa.+
8 Mandyikeveihana nofengwa, andyiveongiya.
Mokonda ame mandyikeveyovola,+ avakakala ovanyingi,
Avakatwalako okuliyawisa.
9 Namphila neveyandyanesa movanthu vovilongo ngombuto, avatwalwa konomphangu mbo kokule-kule,
No ngootyo, mavakanthyinangela.
Kumwe novana vavo, mavakakala vali nononkhono, avakondoka.
10 Mandyikevepola kotyilongo tyo Isitu, andyivekondola,
Mandyikevepola ko Asilia,+ andyiveongiya.
Mandyikevetwala kotyilongo tyo Sileyande+ no ko Limbanu,
Mahi no ngootyo, onohika ombo kamambukevetuuka.+
11 Makateketesa elunga akwate mokati kalio.
Makatulisa omanyonda elunga.+
Omaiva aeho o Nilu, maakakukuta.
Omalityindailo o Asilia maakapakwa pombwelo,
Onkhunye yo Isitu maikapolwa-ko.+