Oviimbo
Otya Ndaviti.
138 Mandyikuhivilika nomutima wange auho.+
Mandyikuhivilikila momaiho ono huku ononkhwavo,
Omo umwe mandyiimbila oviimbo vikuhivilika.*
2 Mandyilipetamena kondywo yove ikola,+
Andyinkhimaneka enyina liove,+
Mokonda yolwembia lwove olunene notyili tyove.
Mokonda, ove wankhimaneka vali ondaka yove nenyina liove kovipuka viatyo aviho.*
4 Onohamba ambuho kombanda yohi mambukekunkhimaneka Siovaa,+
Mokonda mambukeiva etyi tyatundile momulungu wove.
5 Mambukaimba onondyila mba Siovaa,
Mokonda omunkhima wa Siovaa omunene.+
6 Namphila Siovaa akulama, mahi ngwe weete vokulikondola koututu,+
Mahi vokulipaka kounene uvetalela vala kokule.+
7 Na tyina namakwata umwe apa palingisa otyiho, ove monthyupisa.+
Motandaveka okuvoko kwove undyamene konyengo ya vana vendyele.
Okuvoko kwove kwokulio makunthyupisa.
8 Siovaa kamandyeke-po-ale, mandyamena.