Oviimbo
Ko wokutumbula-mo. Otya Ndaviti.
14 Eova* lilipopila momutima okuti:
“Kutupu-ale Siovaa.”+
Evi lilinga ovivi, onontheto mbalio mbutoyesa.
Kutupu ou ulinga oviwa.+
2 Mahi Siovaa utalela keulu atale ovanthu mombwelo,
Atale ou una enoñgonoko, ou uli nokutaindya Siovaa.+
3 Aveho vayapuka.+
Aveho ononkhembi,
Kutupu ou ulinga oviwa,
Nii vala wike.
4 Okuti kutupu ondingavivi naike ityinoñgonoka?
Vahunyuna ovanthu vange ngatyina valia ombolo.
Kavelikwambela ku Siovaa.
5 Mahi mavakatila unene owoma,+
Mokonda Siovaa wahula kotyinkhunkha tyovaviuki.
6 Onwe vokulinga ovivi mwahanda okunyona onomphango mbo wokwehena-tyo,
Mahi Siovaa oe otyiholamo tyae.+
7 Eyovo lya Isilayeli litunda ko Siyau!+
Tyina Siovaa amakongolola ovanthu vae koupika,
Sakoo ahambukwe, Isilayeli ahele.