Sombe
9 Sombe apopi ati:
2 “Naame ndyityii okuti ovipuka ongootyo vikahi.
Okuti tyitavela omunthu okwenda momphela na Huku, omunthu ngae uviukisa?+
3 Ine pena omunthu ulipa okupopia Nae,*+
Ngwe emupulu, ñgeno ketyivilile okumukumbulula nii vala epulo like, pomapulo ae 1000.
4 Mokonda ngwe omunongo, una ononkhono ononene.+
Olie umulwisa, ahalingwa natyike?+
5 Ngwe uhondovola* onomphunda, mahi nawike utyimona.
Umbuhanya-ko tyanumana.
6 Uteketesa ohi, aihondovoka apa ikala,
Onomphandyi mbayo, ambuteketa.+
7 Utumina ekumbi, ati liahamimikile,
Utyika otyimimi tyononthungululu.+
8 Uyala aike eulu,+
Aliatela komanyonda omanene elunga.+
9 Oe walinga otyihaa tyononthungululu+ mbo Asi,* nombo Kesile,* nombo Kimaa,*
Notyihaa tyononthungululu mbo kombwelo.*
10 Ulinga ovipuka ovinene,+ viehevilwa okuvikungunyika,
Ovipuka vihuvisa, viehevilwa okuvalulwa.+
11 Ulambela pwaame, mahi himumono.
Ulambela pwaame, mahi ame himwiivi.
12 Tyina ena etyi apola-po, olie umutyilika?
Olie umuvila okumupula ati: ‘Otyo ulinga otyityi?’+
14 Ame pahe, ame mandyimukumbulula mandyiti-wi;
Nkhwali ndyikoya umwe nawa onondaka mbange tyina ndyipopia nae!
15 Nga tyilingi ame naviukisa, ñgeno hapopile,+
Ñgeno nelifefa ko wokukoya onomphela mbange,* andinge okankhenda.
16 Ine ndyimwiihana, okuti menthavela umwe?
Hityii ine meivi umwe ondaka yange,
17 Mokonda ngwe uli nokumphukitiya notyipepe,
Wayawisa kovipute viange, anehena etyi nalinga.+
18 Kandyeke-ale, hifimi-po-ale,
Ukahi vala nokunthutuminya ovipuka vialula.
19 Kononkhono oku hako upopia-le vali, ombo una-mbo umwe.+
Oku kokulinga etyi tyaviuka, ngwe upula uti: ‘Olie undyihana anthwale momphela?’
20 Nga ndyilinga-linga umwe etyi tyaviuka, omulungu wange ñgeno wambela onombei.
Nga ndyikakatela vala motyili* anahatundu, ngwe manthi wapengesa.*
21 Nga ndyikakatela vala kotyili,* etyi mandyilingwa hityii.*
Ame nomwenyo wange mwene hiuhande-ale vali.*
22 Etyi naina otyipuka tyike vala. Otyo ame ndyitila:
‘Nou wehena etyi alinga,* nondingavivi, uvehanya-ko vala aveho.’
23 Ine kuya eulu-mbila limwe enene aliipaa ovanthu,
Soka ovanthu vehena etyi valinga ñgeno vehulilwa, mahi ngwe evelingi omukwele.
Ine hae-ko, opo olie?
25 Pahe ononthiki mbomwenyo wange mbuhateka vali komunthu watumwa.+
Soka mbwenda-nkholo, ambahamono otyiwa.
26 Mbusesunuka ngombaluku yonombungu,
Mbutyoomoka ngonkhombe ina etyi ikwata.
27 Ine natile: ‘Himeliyave vali ndyiyeke-ko,
Andyiti ndyipilulule otyipala tyange, ndyihambukwe,’
28 Ñgeno tyitupu-ale, ñgeno natila ñgoo owoma onongembia ombu ambuho,+
Ndyityii okuti, ñgeno wambela ñgoo onombei.
29 Soka-ko ñgeno natiwa ñgoo napengesa.*
Naina oityi ndyitutumbila vala nehena-le etyi ndyipola-po?+
30 Ine nelikohele nomeva ongandyi,
Andyilisukula peke nondyapau,+
31 Ove ñgeno wandyumba metoto,
Novikutu viange vala ñgeno vianthoya.
32 Ngwe hamunthu-ko ngaame, ukumbululwa naame,
Hamunthu-ko tulitwala nae mombonge.+