Wahonekelwa Ova Ngalasiya
6 Vanthu vetu, omunthu ine upendyuka umwe mondyila tyehetyeete, onwe vokwalongoka mopamphepo hetekelei okumuviukisa tyapoleya.+ Mahi ikei omaiho mwoonwe mwene,+ opo nonwe mwahayondywe notyivi.+ 2 Mwahayekei-po okulityindisa-ko na vakwenyi omutyindo walema,+ otyo otyo vala mamutilwa mwetavela otyitumino tya Kilisitu.+ 3 Mokonda ine umwe uti una apa elifwe, ngwe ehena-le apa elifwe,+ oo uli nokulikemba. 4 Mahi omunthu mwene atale kovilinga viae,+ opo amone etyi tyimuhambukiswa, etyi mwene tyayemba kwe, ha tyokulieeleka na vakwavo.+ 5 Munthu na munthu mwene matyindi omutengi wae.*+
6 Ngwe tupu ou uli nokulongesiwa* ondaka, velitepulile ovipuka aviho oviwa no ou umulongesa.*+
7 Mwahakembwei: Huku kanyanenwa. Mwene etyi omunthu akuna, otyo akateya;+ 8 ou mwene ukuna lwohitu yae, kohitu oko makateya okuvola, mahi ou ukuna lwomphepo ikola, komphepo ikola ukateya-ko omwenyo wahapu.+ 9 Naina tukakatelei kokulinga otyiwa, momuvo watyo mwene matukateya, ine katuyeke-ko.*+ 10 Pahe tyina nkhele tuna omphitilo,* tulingilei otyiwa ovanthu aveho, mahi haunene ava tulii navo meyumba-nthumbi.
11 Nkhele talei vala omaletela* omanene ame mwene nemuhonekela nokuvoko kwange.
12 Ava vahanda okulitalesa mohitu,* ovo veli nokumututumbisa mupite ekwendye, valinga tupu ngootyo, vatila vala okuhukaisilwa omuti wemone* wa Kilisitu. 13 Mokonda naava umwe vapita ekwendye navo mwene kavetavela Ovitumino,+ ngwe mahi vahanda onwe mupite ekwendye opo tyivepe okulimphandela olutu lwenyi. 14 Mahi ame kohalwange nehelimphande, nkhwali ndyilimphandele omuti wemone* wa Tatekulu yetu Sesusi Kilisitu,+ mokonda yae, kwaame ouye wankhia,* ame nankhila ouye. 15 Ngwe mwene tyati vala okupita ekwendye, okwahapiti ekwendye tyitupu-ale ovilinga,+ tyisukisa okulinga omupe.+ 16 Vamone ombembwa, valingwe onkhenda aveho vetavela otyitumino otyo, ava va Huku ova Isilayeli.+
17 Okutuka hono, nahamone nawike undyetela, mwene ame ndyina omalapia* oupika kolutu lwange, ndyimupika wa Sesusi.+
18 Okankhenda okanene ka Tatekulu Sesusi Kilisitu, vanthu vange, kakale momphepo muna-yo oko. Amem.