Oviimbo
OMUKANDA WA TANO
(Otyiimbo 107-150)
2 Onwe vokwayovolwa na Siovaa popiei ngootyo,
Onwe ahukulula peke liondyale,+
3 Onwe akongolola movilongo,+
Apola koutundilo no koutakelo,
Emupolo kombanda no kombwelo.+
4 Ankho vaangauluka vala moluhandya mehoko.
Avahamono ondyila ivetwala mepunda-umbo mavakala.
5 Ankho vati ovo vankhia ondyala ovo vankhia ohunga.
Avahimbika* okuulukuta mokonda yokwaponwa.
8 Ovanthu vapandule Siovaa+ mokonda yolwembia lwae olunene,
Mokonda yeevi alinga vihuvisa pokwaamena ovanthu.+
10 Vamwe ankho veli menthiki limwe enene,
Ankho veli mononkhuto mbononkhumbi, ankho veli momalienge.
11 Mokonda vaanya ondaka ya Huku.
Kavalingi onthilo Omunene tyina evelondola.+
12 Weveola onomona etyi eveetela ovitateka.+
Velipunduka avahamono nawike uvekwatesako.
13 Veliyava ku Siovaa evekwateseko tyina vamamono emone.
Eveyovola movitateka viavo.
14 Wevepolele menthiki limwe enene,
Atipaula omalienge ankho vakutwa nao.+
15 Ovanthu vapandule Siovaa mokonda yolwembia lwae olunene+
Mokonda yeevi alinga vihuvisa pokwaamena ovanthu.
16 Wateyateya-po omapito otyitasu,
Atontho-po omakumba ovivela.+
18 Noholo vala yokulia ankho vetupu vali.*
Vehikile popepi nonombundi mbondyembo.
19 Ngwe veliyava ku Siovaa evekwateseko tyina vamona emone.
Eveyovola kovitateka viavo.
20 Ankho utuma ondaka yae aivehakula+
Evepolo metoto ankho vatokela.
21 Ovanthu vapandule Siovaa mokonda yolwembia lwae olunene
Mokonda yeevi alinga vihuvisa pokwaamena ovanthu.
22 Valinge ovilikutila violupandu,+
Vapopie evi alinga otyo vakwiilila.
23 Vana vaenda nonombapolo melunga,
Vokulingila oniñgoso momaande omanyingi.+
24 Vehole okumona evi Siovaa alinga,
Evi alinga melunga vihuvisa.+
25 Vehole okutyimona tyina ondaka yae ikatula omphepo,+
Aitutumbisa omakufikufi elunga.
26 Vakatoma peulu.
Avakanyingila vali kohi.
Tyina pahe vamehulilwa* kavakala vali nononkhono.
27 Valinga omalwinge avahimbika okutanthauka ngononkholwa,
Ounongo wavo auho awahalingi natyike.+
28 Aveliyave ku Siovaa etyi vamona emone,+
Eveyovola movitateka viavo.
29 Uhaiya omphepo.
Aa omakufikufi elunga aatulu.+
30 Vahambukwa tyina omakufikufi elunga atula,
Evetwala na apa vahanda okuhikila.
31 Ovanthu vapandule Siovaa mokonda yolwembia lwae olunene
Mokonda yeevi alinga vihuvisa pokwaamena ovanthu.+
33 Onondongi umbutyitula oluhandya
Ombu onondyivi-ndyivi umbutyitula ohika yakukuta,+
34 Ofika iyela ovikuna wiityuukisa,+
Aikala yalula omongwa kombanda yovivi vilingwa na vana vakala-mo.
35 Utyitula oluhandya alukala omatala omeva eyula omanyenga,
Ohika yokwakukuta eipake onondyivi-ndyivi mbomeva.+
38 Uvepa elao avakala ovanyingi-nyingi.
Ovipako viavo aviahatepuluka.+
39 Mahi avatepuluka vali avakundu
Mokonda yokulingwa onya nokumona emone enene.
40 Omanene-atyo weekundisa
Weepaka moluhandya aakuva-kuva aahamono ondyila.+