Ko wokutumbula-mo. Opo tyilandulwe novihumba. O Masikili. Otya Ndaviti, pweetyi ovana va Sife vakapopilile Saulu okuti: “Ndaviti waholama pokati ketu.”+
54 Huku yange, ndyovole-vo mokonda yenyina liove,+
Ondyamena+ nononkhono mbove.
2 Huku yange, tehelela-vo elikwambelo liange.+
Tehelela-vo nawa onondaka mbutunda momulungu wange.
3 Mokonda ovanthu nehei vankhatukila,
Ovanthu ovakalavi vahanda okumphola omwenyo wange.+
Nii kavesukile na Huku.+ (Selaa)
4 Talei! Huku oe unkhwatesako.+
Siovaa ukahi na vana vankhwatesako.
5 Huku makakondolela onondyale mbange+ ovivi viavo mwene.
Venyima-ko mokonda youkwatyili wove.+
6 Mandyikulingila ovilikutila+ nomutima wange auho.
Mandyihivilika enyina liove Siovaa, mokonda ewa.+
7 Mokonda Huku undyovola mononkhumbi mbange ambuho,+
Omaiho ange maakatala tyina onondyale mbange mbutoka.+