Oviimbo
135 Hivilikei Sah!*
Hivilikei enyina lya Siovaa.
Mupei omunkhima onwe vaundapi va Siovaa,+
2 Onwe vokuli nokuundapa meumbo lya Siovaa,
Vokuli nokuundapa mepata lya Huku yetu.+
3 Hivilikei Sah mokonda Siovaa ukahi nawa.+
Imbei munkhimaneke* enyina liae mokonda lihambukiswa.
5 Ame ndyityii nawa okuti Siovaa omunene.
Tatekulu yetu omunene, walamba-po ono huku ambuho.+
6 Siovaa ulinga atyiho ahanda+
Tyilinge o keulu tyilinge o pohi, tyilinge o melunga tyilinge o kohi yelunga.
7 Ukatula omakaka* kononthele mbo kokule-kule mbohi, eekatula meulu.
Utemesa omuliakulo* ombila na iloke.
Ukatula omphepo itunda movimbundu viae.+
8 Waipaele oviveli mo Isitu,
Tyilinge oviveli viovanthu tyilinge ovinyama viatetaikila okutyitwa.+
9 Waetele ovihuna alingi omaelema pokati kenyi, onwe va Isitu,+
Aviho ankho vieendela Falaoo novaundapi vae aveho.+
10 Waipaa-ipaa ovanthu ovanyingi vovilongo+
Aipaa onohamba ononene+
11 — Siyoo ohamba yova Amoleu,+
Na Onge ohamba yo Mbasaa,+
Nonohamba ambuho mbomo Kanaa.
12 Otyilongo tyavo etyaave-po atyipiñganwa,
Atyipiñganwa nova Isilayeli, ovanthu vae.+
13 Siovaa, enyina liove likala-kala-ko vala apeho.
Siovaa, omunkhima wove* aveho veya-ko veuvasa.+
15 Ovilolo ovanthu vovilongo vafenda, opalata noolu,
Ovipuka vialingwa nomavoko ovanthu.+
Momulungu wavio kamutundu-ale mphepo.+
19 Onwe veumbo lya Isilayeli hivilikei Siovaa.
Veumbo lya Alau hivilikei Siovaa.
20 Onwe veumbo lya Levii hivilikei Siovaa.+
Onwe vokutila owoma Siovaa hivilikei Siovaa.
Hivilikei Sah!+