Oviimbo

Mupei omunkhima vaundapi va Siovaa,

Hivilikei enyina lya Siovaa.

 2 Enyina lya Siovaa lihivilikwe

Okuhimbikila pehepano atee-tee.+

 3 Linkhimanekwe okuhimbikila oku ekumbi litundila atee oku likanyingilila,

Lihivilikwe enyina lya Siovaa.+

 4 Siovaa wakulama, uli keulu-ulu liovanthu aveho vovilongo.+

Omunkhima wae walamba-po eulu.+

 5 Olie pahe weelekwa na Siovaa Huku yetu?+

Olie weelekwa na Huku ukala* keulu-ulu?

 6 Unyongama atale eulu nohi,+

 7 Wokwelipetamena umukatula mombundu yeheke.

Ou wokwehena-tyo umukatula metwe,*+

 8 Emutwala pomanene atyo ngoopo ekemupumphika,

Povanthu vae omanene atyo.

 9 Upa eumbo omukai wahakutula

Umulinga omwali wovana,*+ omwali wahambukwa.