Sombe
18 Mbilindande+ omukulu umwe watuka mu Suwaa, ati:
2 “Pahe ovio vala mokalaila okupopia evi!
Nkhele lipula umwe nawa, haa atupopi nawa noove.
4 Wati ove okunumana, onyengo yove aikupe okulitipaula ovinthimbu,*
Otyo ohi mailingila ekongola amwahakala vali omunthu,
Ine wati ove okunumana ononkhanda mbuhondovoka apa mbali?
5 Otyimimi tyondingavivi, matyikanyima,
Potupia twae ngapateme kapakamimikila vali.+
6 Otyimimi tyomekaka liae, matyikanthikovela,
Otyimimi tyili kombanda yae, matyikanyima.
7 Nononkhono vala mbokweenda kekembumona vali,
Ovipuka mwene apanga, ovio vimutokesa.+
8 Onomphai mbae, mambumutwala meliva,
Makakuva-kuva vala, ekeliyumba meliva.
9 Makankhia meliva, malikemukwatela kotyikomeko.
Makankhia meliva.+
10 Watelwa otyisandaila,
Mondyila yae mwatelwa eliva.
11 Utupu-ale oku ahatili owoma,+
Uti vala ai nooku venae, ai nooku venae.
13 Otyikova tyae tyipwa okuliwa.
Ouvela umwe omunene, ulia-po* olutu lwae.
16 Omii viae pohi mavikavola,
Onompha mbae keulu ambukakukuta.
17 Kombanda yohi kakahinangailwa-ko vali,
Eli enyina liae, momatapalo kalikatumbaulwa-mo vali.*
18 Makatewa-tewa motyimimi, atahelwa menthiki.
Kombanda yohi makatewa-ko.
19 Pu vakwavo oe vala wahakamona ovana, ahakamona ovatekula,
Apa* akala, kapekemuhupila nawike.
20 Apa onthiki yae ihika-po, vo Koutakelo mavapaalala,
Ava vo Koutundilo, mavateketa.
21 Ongootyo tyilingwa omakaka ondingavivi,
Otyo tyilingwa apa pakala ou wehei Huku.”