Oseya
6 “Endywei, tukondokei ku Siovaa.
Mokonda namphila etutipaula ovinthimbu,+ ngwe metuhakula.
Namphila etuveta mahakula ovipute vietu.
2 Mononthiki onombali meketukalesa vali nomwenyo.
Monthiki ya tatu meketupindula-po,
Matukakala nomwenyo otyo etwete.
3 Matukanoñgonoka Siovaa, matukalinga ononkhono mbokumunoñgonoka.
Okuhika kwae kakuponyo kukahi ngekumbi litunda.
Ngwe mehiki kwoonthwe ngombila onene,
Ngombila yotete* iloka, ohi aiyula omeva.”
4 “Ove Efalaii oityi mandyikulingi?
Ove Sundaa oityi mandyikulingi?
Mokonda olwembia lwove olunene lukahi ngembundu lyo komuhuka, lihasete okupwa-ko,
Lukahi ngeyombo lihasete okupukumuka.
Onomphela mambumweendela mambukaliaima ngotyimimi.+
6 Mokonda ndyihambukilwa olwembia olunene,* ha-vilikutila,
Ndyihambukilwa enoñgonoko lya Huku, ha-viawa viokuyokwa.+
7 Mahi ngwe vayeka-po omphango ngovanthu ovakwavo.+
Movilongo viavo vayeka-po okunthavela.
9 Ovanakwa ovanyingi vekahi ngotyikundyi tyonongangala mbayolamena omunthu.
Vaipaela ovanthu metapalo lyo ko Sikei,+
Ovituwa viavo vikundisa.
10 Namona otyipuka tyasila meumbo lyo Isilayeli,
11 Mahi ove Sundaa, ove moongiywa mononthiki mbanakwa ngomuvo wokuteya,
Putyina ame namakondola ovanthu vange vekahi koupika.”+