Oviimbo
Ko wokutumbula-mo. Tyipopia okuti: “Wahahanye.” Otya Ndaviti. O Mikitau.* Pweetyi Saulu atuma ovalume vamwe vakayunge eumbo lya Ndaviti opo vemwipae.+
2 Ndyovole-vo ko vokulinga ovivi,
Ndyovole-vo komakongombanda.*
Ovalume vokwapama vandwisa,
Mahi hakuti pena etyi nalinga otyivi,+ ine hamwe onkhali, Siovaa.
4 Vamaneka avahateka opo vandwise, ngwe ndyitupu etyi nalinga otyivi.
Tyina wameiva onkhwo yange katuka-vo, otale etyi valinga.
5 Mokonda Siovaa Huku yomambamba ovita, ove, ove Huku ya Isilayeli.+
Pahuka-po ohinangela ovanthu vovilongo aviho.
Wahalinge onkhenda omunthu wokweenda mukwavo konyima, omukalavi.+ (Selaa)
7 Tala etyi tyikahi nokuuyuka* momilungu viavo.+
Omilungu viavo vikahi ngomitunga,
Mokonda vati: “Olie utyiivite?”+
9 Ove Nonkhono mbange, ame mandyitwalako okutala kwoove.+
10 Huku wokuna olwembia olunene naame, meya okunkhwatesako.+
Huku mankhwatesako andyitale onondyale mbange tyina mbutoka.+
11 Weheveipae opo ovanthu vange vahalimbwe-ko.
Veyumba ononkhono mbove opo vakuve-kuve.
Vehanya-ko Siovaa, ndyakulilo yetu.+
12 Vankhie mokulipaka-ko kwavo,
Mokonda yononkhali mbomilungu viavo, onondaka mbomilungu viavo,+
Mokonda yononkhano vapopia, nounkhembi wavo.
13 Vemana-ko nonyengo yove.+
Vemana-ko opo vahakale-ko vali.
Venoñgonokesa okuti Huku ukahi nokutumina Sakoo, no oku kwaoyela ohi.+ (Selaa)
15 Pokutaindya etyi mavali,+ vakuve-kuve.
Vehekute nii vahavase apa valala.
16 Mahi ame mandyiimbila ononkhono mbove.+
Komuhuka mandyipopi nehambu olwembia lwove olunene.