Eholololo Swau Amona
8 Etyi ngwe apatulula+ ombutau* ya pandu-vali,+ keulu akuti umwe filuu monominutu mbukehika 30. 2 Ndyikati ñgaa, onoandyu+ epandu-vali mbutai komutwe wa Huku, ambupewa ononkhwino epandu-vali.
3 Akuya oandyu onkhwavo yakwata otyilindo tyombao,* aiya, aitalama pomutala wovilikutila,+ aipewa ombao+ onyingi-nyingi iipakulile kumwe nomalikwambelo ovasukuki aveho komutala wovilikutila+ woolu, uli komutwe wotyipundi tyounene. 4 Omwihi wombao watunda peke lioandyu aweende no ku Huku, awiila kumwe nomalikwambelo+ ovasukuki. 5 Mahi poola yatyo opo, oandyu aikwate otyilindo tyombao, aipake-po otupia otunyingi two komutala wovilikutila atyiyula, aityiyumbu kombanda yohi. Nkhatehela omititimo, onondaka, omiliakulu,+ notyinimawe. 6 Ombu onoandyu epandu-vali mbokuna ononkhwino+ epandu-vali mbutai-ale mbukevela vala mbuhike.
7 Oandyu yo tete aihiki onkhwino yayo. Akuya ongandavila notupia twahonya nohonde, aviho ovio aviyumbwa pohi;+ povimphungu vitatu viohi apapi tyike, no po viomiti apapi tyike, eli eholi aliho liokwatalala alipi.+
8 Oandyu ya vali aihiki onkhwino yayo. Melunga+ amuyumbwa otyipuka tyimwe tyilinga ngomphunda imwe onene ili nokupia. Povimphungu vitatu vielunga tyike atyityituka ohonde;+ 9 povinthimbu vitatu viovipuka vina omwenyo* melunga apankhi tyike,+ povihaa vitatu vionombapolo apapanguyuka mbotyihaa tyike.
10 Oandyu ya tatu aihiki onkhwino yayo. Keulu akutoko onthungululu imwe onene ili nokupia lwotyiihi, aitokela kotyihaa tyike povihaa vitatu vionondongi, no ponondyivi-ndyivi mbomeva.*+ 11 Onthungululu oyo itiwa Otyifo Tyilula. Etyi otyimphungu tya tatu tyomeva, atyilulu, ovanthu ovanyingi avankhi komeva, mokonda apakwa etyi tyalula, alula.+
12 Oandyu ya kwana aihiki onkhwino yayo. Otyimphungu tya tatu tyekumbi atyinthikovela,+ atyiho no tyohanyi no tyononthungululu, onthele ya tatu yotyitenya yahamone otyitei,+ nonthele ya tatu yotyinthiki haityo ñgoo.
13 Nkhati ñgaa onkhombe inthanana meulu, nkhatehela yuulula, aiti: “Uluu, uluu, uluu,+ mavai napi veli kombanda yeheke, onoandyu ononthatu mbahupa-po apa katutu nambo mambuhiki ononkhwino mbuna-mbo!”+