Oviimbo
Ko wokutumbula-mo. Tyaimbwa mo Maalate.* O Masikili.* Otya Ndaviti.
53 Eova* lilipopila momutima okuti:
“Kutupu-ale Siovaa.”+
Onontheto mbae kambaviukile mbutoyesa.
Kutupu ou ulinga oviwa.+
2 Mahi Huku utalela keulu atale ovanthu mombwelo,+
Atale ou una enoñgonoko, ou uli nokutaindya Siovaa.+
3 Aveho vayapuka,
Aveho ononkhembi.
Petupu ou ulinga etyi tyaviuka,
Nii petupu nawike.+
4 Okuti kutupu ondingavivi naike ityinoñgonoka?
Vahunyuna ovanthu vange ngatyina valia ombolo.
Kavelikwambela ku Siovaa.+
5 Mahi mavakatila unene owoma,
Owoma umwe vehenekale nao nkhele vali,*
Mokonda Huku makahandaula omankhipa a vana mavekulwisa.*
Etyi mokevelinga matyikevekundisa mokonda Siovaa weveanya.
6 Eyovo lya Isilayeli litunda ko Siyau!+
Tyina Siovaa amakongolola ovanthu vae koupika,
Sakoo ahambukwe, Isilayeli ahele.