Sombe
40 Siovaa apopila Sombe, ati:
2 “Okuti wokwehetavela upondola okutañgunisa Omuvili wa Atyiho?+
Ou wahanda okuviyula Huku, akumbulule.”+
3 Sombe akumbulula Siovaa, ati:
4 “Pahe ame, ame-lie!+
Pahe mankhuti-wi?
Ame pahe nelikwata vala komulungu.+
5 Napopile-ale like, himawane vali.
Napopile-ale tuvali himapaleka-po vali.”
6 Siovaa pahe akumbululila Sombe momphepo imwe onene,+ ati:
7 “Nkhele lifwiika umwe ngomulume.
Ame mandyikupulu nkhumbulule.+
8 Ove wati ame hilingi evi viaviuka?
Pahe ove mombele onombei, mokonda ove uviukisa?+
9 Okuti noove una okuvoko kwakola ngo kwa Huku yotyotyili?+
Okuti ondaka yove nayo ina otyinthululu ngo yae?+
10 Nkhele lihiwiswa nomunkhima utale, lihiwiswa nounene,
Nkhele vala omunkhima, vala ouwa.
11 Handya-mo onyengo yove.
Tala ko vokulipaka-ko, vekundisa.
12 Tala aveho vokulipaka-ko, vekundisa,
Liata-liata onondingavivi, veliataila apa veli.
13 Aveho veholeka mombuma.
Vekutila* apa pahamoneka.
14 Ine otyo ulinga otyo, opo mandyitavela*
Okulio kwove kukuyovole.
15 Nkhele tala o Mbeemote,* nayo ame neitunga, neitunga vala ngeetyi natunga ove.
Ilia eholi ngongombe onthwei.
16 Tala ononkhono mbuli movitumbo viayo,
Ononkhono ononene mbuli momahipa omeimo liayo!
17 Iteneka omutyila, autene umwe uti vala omusendulu.
Omahipa o movitumbo viayo, elipalakana-palakana.
18 Omankhipa ayo uti elove liotyitasu.
Omankhanya ayo, novikalo viatyo, uti vala otyivela.
19 Oyo otete povipuka Huku atunga.
Una weitunga oe vala upondola okwiifwena nomutunga.
20 Okulia ipola monomphunda,
Omu munyanena ovinyama aviho viohika.
21 Ilangala mombwelo yovifo,*
Mombwelo yomanyenga eli pomeva.
22 Ovifo viifika, aikala mokafi kavio,
Evi omiti viomelola* viipaka pokati.
23 Ondongi okweeta, kaisuku.
Nomeva o Solondau+ okuya nononkhono aaviuku momulungu wayo, kaisuku-ale.
24 Okuti pena omunthu upondola okwiikwata otyo imutala?
Okuti pena ou upondola okwiitiula meyulu nondyolo?*