Ovilinga Viovatumwa
6 Pahe pononthiki opo, tyina ovalongwa valinga vali ovanyingi, ova Sundaa ankho vapopia elaka lyo Ngeleku avahimbika okulondovola otyo vapopia ova Sundaa vokupopia elaka lyo Hembeleu, ankho kavetyihandele tyovahepe vavo veheli nokupewa okulia kwa nthiki na nthiki.+ 2 Etyi ovatumwa 12 vetyiiva, avaongiya ovalongwa aveho, aveveti: “Kamatyiviuku* ine onthwe tusapo ondaka ya Huku ngoonthwe tukapa ovanthu okulia.+ 3 Lingei ñgaa vanthu vetu, onwe mwene holovonei pokati kenyi ovalume epandu-vali vena omunkhima omuwa,*+ veyulwa nomphepo ikola, ovanongo,+ veye tuvepe otyilinga otyo tyesukisa;+ 4 onthwe matulipake umwe vala motyilinga etyi tyokulikwambela notyilinga tyondaka ya Huku.” 5 Etyi vapopia atyihambukiswa ovaunyingi aveho, ngatyo valinga avaholovona-po Sitevau omulume wonthumbi, ankho weyula omphepo ikola, tupu avaholovona Filipi+ na Polokolu na Nikanole na Timau na Palemena na Nikolau wo ko Andiokiya ankho nae wahula kova Sundaa. 6 Avevetwala kovatumwa, ovatumwa avelikwambela aveveyambeka omavoko.+
7 Etyi valinga ngootyo, ondaka ya Huku aihahana motyilongo,+ ombalulo yovalongwa otyo pahe iliyawisa+ mo Selusalei; ovanakwa vamwe ovanyingi navo avetavela avetyiyumbu onthumbi.+
8 Sitevau pahe, omulume ankho Huku ehole, una ononkhono, ankho uli nokulinga omaelema,* novilekesa ovanthu otyo vatala. 9 Mahi ovalume vamwe vo oku vati o Kondywo yo Vokwayovoka, na vamwe vo ko Silene nova Alesandiliya novo ko Silisia novo ko Asiya avakayeva Sitevau. 10 Etyi vemuvasa, menoñgonoko lyae no momphepo ankho apopia nayo avehemuvili.+ 11 Konyima pahe avahindila ovalume vamwe vemutendeleye vatie: “Onthwe twemwiiva evi apopia una omutomba, watomba Mwisesi na Huku.” 12 Avahongiliya otyilongo, novakulu votyilongo, novahoneki vovitumino, aveho aveya avemukwate avemutwala no Kombonge Onene. 13 Avemutendeya avati: “Omulume ou ketyiyekelepo-ale tyokupopia omapita omphangu ikola Novitumino. 14 Ñgaa twemwiiva umwe tyina apopia wati Sesusi omu Nasalee, mateye-po Ondywo ya Huku, apilulula oviso evi Mwisesi etuhila.”
15 Tyina pahe ovanthu aveho vepumphi Mombonge Onene vemutala, vakati-ko ñgaa otyipala tyae tyikahi ngo tyoandyu.