Wa Vali Wahonekelwa Ova Kolindu
10 Mwene ame, Paulu, ndyimwiita umwe nomapole, motyali tya Kilisitu,+ ame wokulikondola koututu tyina ndyili oko tuna onwe,+ mahi andyimupopila umwe tyahalingi otyinkhe tyina nemukalela kokule.+ 2 Ame okuya oko, himahande ndyimuviuke unene, atulitwala vali kokule no ovo vokuti tyina vetutala vati onthwe tweenda lwohitu. 3 Onthwe twahula vala okuti tuli mohitu, mahi ovilwa vietu kaviluwa lwohitu. 4 Mwene ovihongati vietu tukwata movilwa ha viohitu,+ mahi o viokwapama-le vya Huku,+ viteya-po ovipuka viakakatela umwe viaika. 5 Onthwe tuteya omalusoko, novipuka aviho vipondakana menoñgonoko lya Huku,+ omalusoko aeho tweelinga ovikonde etavele ku Kilisitu; 6 onthwe twetyimanekela-le etyi tyokwehetavela matyityepe-ko,+ onwe vala nkhele muna okutavela umwe amwooyo.
7 Onwe ovipuka muvitalela vala kotyipala. Ine pena umwe wati tyili owa Kilisitu umwe, asoke vali nawa kotyili etyi: Ine ngwe owa Kilisitu, noonthwe haityo ñgoo. 8 Mokonda ngandyilimphande vala andyilambesa okulimphandela otyilinga etyi Tatekulu etwaavela tyokutunga onwe, tyehe-tyokumutokesa,+ ame katyinkhundisa-le. 9 Mahi hahandele mutie hamwe ndyili nokumutilisa owoma omikanda ndyimuhonekela. 10 Ngwe vati: “Komikanda oku walema, una umwe ononkhono, mahi tyina tuna-e wayengenga vala, neevi apopia vitupu-ale oku viapilukila.” 11 Omunthu watyo oo upopia ngootyo, anoñgonoke okuti, etyi tuli nokupopia momikanda* mokweheli oko, apa tuya oko otyo matulingi.*+ 12 Mokonda onthwe katulipe tyokuti twelifwa no ovo vokuliti vatamo, hamwe atuti tulieeleke navo.+ Ovo vati tyina velitala mwene vati velifwe apa velifwe, velieeleka na apa vahanda vatiwe vakola, ngwe nekungunyiko vetupu.+
13 Mahi onthwe katulimphandela evi vili nthele ina onondimbu twatetelwa, tulimphandela evi viahula kwoonthwe mohika twatetelwa na Huku, omu mwati umwe noonwe oko.+ 14 Otyili, onthwe katwayaulukile onondimbu, ngatyina onwe mweheli mokati kohika yetu, onthwe onthwe twatetekela okuhika kwoonwe noviwa ovipe viayemba ku Kilisitu.+ 15 Au, onthwe katuli nokulimphandela evi vili nthele ina onondimbu twatetelwa, katulimphandela ovilinga vakwetu valinga, mahi onthwe twahanda tyina onthumbi yenyi ikula, novilinga twalinga otyo vikula, vikulila mokati kohika yetu. Opo pahe noonthwe ovilinga vietu mavitanduluka umwe, 16 tukapopie oviwa ovipe no kovilongo vili nthele ina onwe, atwehelimphandela etyi tyalingwa mohika yaundapwa-le na vakwetu. 17 “Mahi ou ulimphanda, elimphandele mu Siovaa.”*+ 18 Mokonda ou uliti ame ame natamo, oo hae utavelwa,+ mwene utavelwa oyou Siovaa* ati watamo.+