Oviimbo
Otyiimbo tya Ndaviti.
143 Siovaa, tehelela-vo elikwambelo liange.+
Nthehelele-vo tyina ndyiliyava unkhwateseko.
Nkhumbulule-vo mokonda yotyili tyove nouviuki wove.
2 Wahatwale-ale omuundapi wove momphela,
Mokonda nawike-ale una omwenyo uviukisa komaiho ove.+
3 Mokonda ondyale indyeva.*
Omwenyo wange weuliataila pohi.
Pahe ndyili vala menthiki kombanda yae, nakala vala ngovanthu vokwankhia-le kohale-hale.
5 Ndyihinangela omuvo wo kohale.
Ndyisoka nawa kovilinga viove aviho.+
Ndyitungulula kovilinga* vyo pomavoko ove.
6 Ndyiyelulila omavoko ange kwoove.
Naponwa,* uti vala hamwe ohika yakukuta ikevela vala kwoove.+ (Selaa)
8 Ndyiive-vo olwembia lwove olunene komuhuka-huka,
Mokonda nayumba onthumbi mwoove.
9 Nthyukulule-vo konondyale mbange Siovaa.
Mokonda ove ndyitaindya undyamene.+
10 Ndongese-vo okulinga etyi wahanda,+
Mokonda ove, ove Huku yange.
Omphepo yove ikahi nawa.
Inthwale-vo monthanthalahi.*
11 Nthyupise-vo Siovaa mokonda yenyina liove.