Mikeya
6 Tehelelei mba etyi Siovaa ekahi nokupopia.
Katukei, popilei onomphunda omphela yenyi,
Ovipunda vitehelele onondaka mbenyi.+
2 Tehelelei ehunga lya Siovaa onwe nomphunda,
Onwe malisesu okwapama eheke,+
Siovaa una omphela novanthu vae;
Una omphela nova Isilayeli:+
3 “Onwe vanthu vange, oityi nemulinga?
Oñgeni nemupwilisa?+
Popiei etyi nalinga.
4 Ame nemupola kotyilongo tyo Isitu,+
Nemuyovola kotyilongo tyoupika;*+
Andyipake komutwe wenyi Mwisesi na Alau, na Miliaa.+
5 Onwe vanthu vange, hinangelei etyi Mbalake ohamba yo Moambe ahandele,+
Neetyi Mbalaau omona wa Mbeole, apopilile Mbalake,+
Neetyi tyaendele ko Sitii+ atee ko Silingale,+
Opo munoñgonoke ovilinga vya Siovaa viouviuki.”
6 Oityi mandyityindi tyina ndyienda ku Siovaa?
Oityi mandyityindi tyina ndyikelipetamena ku Huku ukala keulu?
Okuti mandyityindi ovilikutila viokuyokwa?
Mandyityindi onkhembe yenima like?+
7 Okuti Siovaa mahambukilwa onongi ononyingi-nyingi?
Okuti mahambukilwa omulela omunyingi-nyingi?+
Okuti mandyiave omona wange otyiveli mokonda youmphuki wange?
Okuti mandyiave otyinyango tyolutu lwange mokonda yonkhali yange?*+
8 Ngwe wekupopila etyi tyaviuka.
Oityi vali Siovaa aita ove ulinge?*
9 Siovaa uliyava okupopila epunda-umbo;
Vokuna ounongo mavatili owoma enyina liove.
Tehelelei nawa olukava na una welutuma.+
10 Okuti meumbo liondingavivi nkhele muna olumono lwapolwa mokulinga ovivi,
Nkhele muna otyieleko* tyapenga tyokuvaka?
11 Okuti ndyipondola okukala omusukuki* tyina ndyina otyieleko tyomatutu,
Notyipapo tyomamanya okwavakwa?+
12 Mokonda, ovahona vavo valinga ovivi ovinyingi,
Vokukala-mo vatola omatutu;+
Momulungu wavo muna elaka liounkhembi.+
13 “Mandyikuvete okala notyipute,+
Andyikusi wahanyauka-po mokonda yononkhali mbove.
14 Ove mokalia, mahi kumekekuta;
Meimo liove mamukalambuka.+
Etyi mokapola-po, kumeketyivila okutyiyakulila;
Etyi mokahupa natyo, ame mandyiketyipaka okatana.
15 Mokakuna mahi kumakateya.
Mokamiangula ovinyango viomulela,* mahi kumakalinga nao natyike;
Mokamiangula onouva, mahi ovinyu yatyo kumekeinwa.+
16 Mokonda mulandula ovitumino vya Onili novipuka ovanthu vo mondywo ya Akambe valinga,+
Mulinga ngetyi vemupopila.