Omukanda wa Vali Onohamba
11 Etyi Ataliya+ ina ya Akasiya amona okuti omona wae wanyima,+ aipaa aveho vomuhoko wohamba.*+ 2 Mahi Seosemba omona omukainthu wohamba Seolau, omphange ya Akasiya, apolo Seowasi+ omona wa Akasiya povana vohamba mavaipawa, ekemuholeka mondywo koluhinyi, nae no wokumutekula. Avetyivili okumuholeka ku Ataliya opo ahaipawa. 3 Akala omanima epandu tyaholekwa nae nomutekuli wae mondywo ya Siovaa, mononthiki ambuho Ataliya atumina otyilongo.
4 Menima lya pandu-vali Seoyanda atumu okwihana ononkhalamutwe mbovalume otyita vokuyunga ohamba,*+ novayungi vo mombala* opo veye mondywo ya Siovaa. Alingi navo omphango, eveiti vaanene mondywo ya Siovaa; konyima evelekesa omona wohamba.+ 5 Evetumu okuti: “Onwe muna okulinga ñgaa: votyikundyi tyimwe, mavaundapa motyasapalo avayungu nawa eumbo liohamba,*+ 6 votyikwavo mavakala Kombundi Yelisesu, votyikwavo avakala kombundi ikala konyima yovayungi vo mombala. Onwe mamulipinga-pinga kokuyunga ondywo.* 7 Vovikundyi vivali mavahaundapa mo tyasapalo, vena okuyunga nawa ondywo ya Siovaa opo vayakulile ohamba. 8 Onwe ohamba ipakei pokati, amuho amukwata ovihongati vienyi pomavoko. Ou wamatauluka pokati kenyi una okunkhia. Kalei nohamba tyina ilupuka na tyina inyingila.”*
9 Ononkhalamutwe mbotyita+ avalingi umwe etyi omunakwa Seoyanda evetuma. Aveho avaongiya ovalume veli nokuundapa mo tyasapalo, na vana vatunda movilinga motyasapalo, avaende ku Seoyanda omunakwa.+ 10 Omunakwa ape ononkhalamutwe mbotyita omaonga no nondyakulilo mbeliseta elola mbuna mbali mbohamba Ndaviti, mbuli mondywo ya Siovaa. 11 Ovayungi+ avakala ponomphangu vapakwa, munthu na munthu akwata ovihongati peke, avaoyo umwe ondywo aiho okupolelela kombanda atee kombwelo, ponthele pomutala wovilikutila,+ ponthele pondywo, okuliseta nohamba. 12 Pahe Seoyanda aeta omona+ wohamba pondye avemupake otyiuya,* emupake ombwingwa Yotyitumino+ tya Huku komutwe, avemuvialeka, avemulembula. Avahimbika okuhakela otyo vati: “Kala nomwenyo omule hamba!”+
13 Etyi Ataliya eiva ovanthu vaviela unene otyo vahateka, liwa-liwa aende atee no kuvo kondywo ya Siovaa.+ 14 Amono ohamba itai pomphandyi, yalinga otyiso tyilingwa-po.+ Ovakwatesiko vohamba, no vokuhika ononkhwino,+ veli opo vena ohamba, ovanthu aveho motyilongo,* veli nokuhela otyo vahika ononkhwino. Etyi Ataliya etyimona, atandaula ovikutu viae, eliyavela ati: “Natyitukilwapo! Natyitukilwapo!” 15 Mahi omunakwa Seoyanda atumu ononkhalamutwe mbotyita,+ ovanene vatyo ati: “Mupolei pokati kovanthu, wamalandula kwe mwipaei nomutunga!” Omunakwa ankho weveti “Mwehemwipaelei mondywo ya Siovaa.” 16 Avemukwata, etyi vehika pomphangu ononkhambe mbunyingilila keumbo liohamba,*+ ngapo vemwipaela.
17 Seoyanda alingi omphango na Siovaa, yokuti ovanthu+ aveho, nohamba, nae mwene, mavatwalako okukala ovanthu va Siovaa, tupu atumu ovanthu+ valinge omphango nohamba. 18 Pahe ovanthu motyilongo avaende mondywo ya* Mbaale, avahanye-mo omitala viatyo viovilikutila,+ avatyopa-tyopa ovilolo+ viatyo, omunakwa wa Mbaale+ Mataa avemwiipaela komutwe womitala viovilikutila.
Pahe omunakwa aholovona ononkhalamutwe mbondywo ya Siovaa.+ 19 Aongiya nononkhalamutwe mbotyita,+ novayungi vohamba, novayungi+ vo mombala, novanthu aveho motyilongo,* avalandula ohamba yenda no kombwelo, kondywo ya Siovaa avatundu-ko avaende no kondywo yohamba,* avakwate mondyila ikwata kombundi yovayungi vo mombala. Seowasi apumphama kotyipundi tyonohamba.+ 20 Ovanthu aveho motyilongo* avahambukwa, mepunda-umbo amukala ombembwa, mokonda Ataliya waipawa nomutunga, waipaelwa pondywo yohamba.