Omukanda wa Vali Onohamba
12 Menima lya pandu-vali Seuu+ atumina, Seowasi+ akala ohamba, atumina omanima 40 mo Selusalei. Ina utiwa o Simbia, omu Mbelesemba.+ 2 Seowasi walingile etyi tyaviuka komaiho a Siovaa ononthiki ambuho alongesiwa nomunakwa Seoyanda. 3 Mahi onomphangu mbukola mbokwaya peulu+ kambahanyauninwe-po, ovanthu opo nkhele vaavela ovilikutila, tupu valingila-po ovilikutila viokutunda omwihi.
4 Seowasi apopila ovanakwa okuti: “Polei-mo onombongo ambuho mbwetwa mondywo ya Siovaa mboviawa vikola:+ ombongo munthu na munthu afeta+ elilimu, nombongo omunthu anakelwa ena okufeta, nonombongo ambuho omunthu* aava kotyali tyae mwene mondywo ya Siovaa.+ 5 Ovanakwa avapolo onombongo ovanthu* vaava, avaviukisa nambo ondywo pana pateka.”*+
6 Menima 23 ohamba Seowasi atumina, ovanakwa nkhele kaveneviukise ondywo.+ 7 Ohamba Seowasi aihana omunakwa Seoyanda+ novanakwa ovakwavo, evepulu okuti: “Omokonda yatyi muhaviukisila ondywo? Muhapolei vali onombongo ko vokwava, mumbupola-ko vala ine mambuviukisa ondywo.”+ 8 Ovanakwa avetavela etyi vapopilwa okuti kamavapolo vali onombongo ko vokwava, havo-ko vali mavakala notyilinga tyokuviukisa ondywo.
9 Omunakwa Seoyanda apolo otyikasa,+ etyitiula keulu kotyipato etyipake ponthele pomutala wovilikutila, kokulio tyina unyingila mondywo ya Siovaa. Ovanakwa votyilinga tyokuyunga konombundi, omo vapaka onombongo ambuho mbwetwa mondywo ya Siovaa.+ 10 Apeho tyina vamamono motyikasa muna onombongo ononyingi, omuhoneki wohamba nomunene-nakwa veya avapolo* onombongo ambuho mbaetwa mondywo ya Siovaa,+ avembuvalula. 11 Tyina vamembuvalula, avembwavela ononkhalamutwe mbotyilinga tyondywo ya Siovaa. Ononkhalamutwe ombo avafete vokuhonga omavai, no vokutunga vaundapa mondywo ya Siovaa,+ 12 no vokutunga nomamanya, no vokuteta omamanya. Tyihe-otyo vala, valanda omavai, nomamanya okwalingwa nawa okuviukisa ondywo ya Siovaa, tupu onombongo ombo mbulanda ovipuka ovikwavo viokuviukisa ondywo.
13 Mahi onombongo ombo mbwetwa mondywo ya Siovaa, kambutungisa onombasiya mbopalata, no viokunyima omutemo, novilindo, nononkhwino,+ nii otyipuka otyikwavo vali tyoolu ine tyopalata tyondywo ya Siovaa.+ 14 Onombongo ombo vembwavela vala vokululika otyilinga, ngwe avaviukisa nambo ondywo ya Siovaa. 15 Ovalume vapele onombongo kavevepulu-ale opi vatwala nako onombongo mbuna vena okwavela ovaundapi, mokonda veveyumba onthumbi.+ 16 Mahi onombongo omunthu aava mokonda yokwavelwa onombei,+ no mbo ou walinga onkhali kavalingi nambo otyipuka natyike mondywo ya Siovaa; mbulinga mbovanakwa.+
17 Pononthiki opo, Hasayeli+ ohamba yo Silia akalwisa otyilongo tyo Ngate,+ etyitambula-ko; konyima Hasayeli asoko okukalwisa o Selusalei.*+ 18 Seowasi ohamba yo Sundaa apolo oviawa aviho vikola viasukulwa na Seosafaa, na Seolau, na Akasiya, onombwale mbae, onohamba mbo Sundaa, noviawa viae mwene vikola, noolu aiho ili momalumono o mondywo ya Siovaa no momalumono omondywo* yohamba, evitumu ku Hasayeli ohamba yo Silia.+ Pahe Hasayeli atundu mo Selusalei.
19 Ovipuka ovikwavo viehipululo lya Seowasi, ovipuka aviho alinga, kaviahonekelwe momukanda womahipululo o pononthiki mbonohamba mbo Sundaa? 20 Mahi ovaundapi va Seowasi aveliongiya, avemutyitukila-po+ avemwipaela ponthele yondywo Yotyipunda,*+ mondyila yenda no ko Sila. 21 Vemwipaele+ ovaundapi vae, Sosakale omona wa Simeate, na Seosambande omona wa Somele. Akapakwa kelangalo liovakwaukulu vae Kepunda-umbo lya Ndaviti; Omona wae Amasiya, emupingi kouhamba.+