Omukanda wa Vali Ehipululo
22 Konyima, vokukala mo Selusalei, avapinginya Akasiya kouhamba, onkhelo ya Seolau, mokonda ovifwanga viokweile nova Alambe vokwaongele onthanda, vaipaele ovana vae aveho ovakulu vatyo.+ Ngootyo, Akasiya omona wa Seolau, ahimbika okutumina mo Sundaa.+ 2 Akasiya wali nomanima 22 etyi alinga ohamba, atumina enima like mo Selusalei. Ina o Ataliya+ omutekula* wa Onili.+
3 Akasiya nae waendelele monondyila mbo veumbo lya Akambe,+ mokonda ina umupakaila-mo okulinga ovivi. 4 Walingile ovipuka ovivi komaiho a Siovaa, ngeetyi veumbo lya Akambe valinga, mokonda etyi he anyima, ngavo vemupakaila-mo, tyimweetele ehanyu. 5 Wetavelele etyi vemupakaila-mo, avaende na Seolau omona Wohamba yo Isilayeli, Akambe, avakalwisa Hasayeli+ Ohamba yo Silia ko Lamote-Sileyande,+ ngako Seolau ayahelwa no vononkhondyi. 6 Seolau akondoka ko Sesiliyeli,+ ngako ekelitalela ovipute avangelwa ko Lamaa pweetyi alwisa Hasayeli Ohamba yo Silia.+
Akasiya* omona wa Seolau+ ohamba yo Sundaa aende ko Sesiliyeli akatale Seolau+ omona wa Akambe wavangwa.*+ 7 Mahi etyi Akasiya akatala Seolau, Huku ngamo akwatelela opo Akasiya ahanywe-ko. Etyi ehika-ko, avaende na Seolau okukahonyenena na Seuu+ omutekula* wa Nisi, una Siovaa alembula opo ahanye-po* eumbo lya Akambe.+ 8 Etyi Seuu ahimbika okukoyesa eumbo lya Akambe, avasi ononkhalamutwe mbo Sundaa, novana vovakulu va Akasiya, ovakwatesiko va Akasiya, eveipaa.+ 9 Konyima, Seuu akaovola Akasiya. Avekemuvasa ko Samaliya, oku aholama, avemweeta ku Seuu. Avemwipaa, avekemupaka,+ mokonda vati: “Ou omutekula wa Seosafaa, una waovolele Siovaa nomutima wae auho.”+ Ngootyo, meumbo lya Akasiya kamwali vali omunthu omukwavo upondola okukala ohamba atumina.
10 Etyi Ataliya+ ina ya Akasiya amona okuti omona wae wanyima, aipaa aveho vomuhoko wohamba* meumbo lya Sundaa.+ 11 Mahi Seosambeate omona omukainthu wohamba, apolo Seowasi+ omona wa Akasiya, povana vohamba mavaipawa, ekemuholeka mondywo koluhinyi nae no wokumutekula. Seosambeate omona wohamba Seolau+ (omukai womunakwa Seoyanda,+ omphange ya Akasiya), etyivili okutwalako okuholeka Seowasi ku Ataliya. Ataliya kemwipaele.+ 12 Akala navo omanima epandu tyaholekwa mondywo ya Huku yotyotyili, mononthiki ambuho Ataliya atumina otyilongo.