Epalukununo
32 “Tehelela ove ulu, ame mandyipopi,
Ohi itehelele onondaka mbutunda momulungu wange.
2 Ondongeso yange maikauyuka ngombila.
Onondaka mbange mambuvu ngeyombo,
Mambuvu ngombila inyenya keholi,
Ngombila onene iloka kovifo.
3 Ame mandyikaivisa enyina lya Siovaa.+
Hipululei ounene wa Huku yetu!+
5 Ovo, ovo mwene valinga etyi tyapenga.+
Ovo havana vae-ko, ovo mwene vena otyinthembia.+
Ovo ovanthu vamwe vokwapenga, vahasilivila!+
Hae o Tate yenyi wemweeta kouye,+
Wemutunga, emukalesa tyapama?
7 Hinangela ononthiki mbo kohale.
Soka komanima okwalamba, kovanthu vokwali-ko kohale.
Pula ku ho, ekuhipululile,+
Pula konombwale mbenyi, vekutolele.
8 Etyi Omunene aavaila ovanthu onofika,+
Etyi ayapaula ovana va Andau,*+
Wevetetailile onofika,+
Ovana va Isilayeli wevepele umwe onofika mbuvetuuka.+
11 Lwonkhombe ilongesa omailona ayo etyivile okunthanana,
Lwonkhombe itangelela kombanda yomailona ayo,
Intandaveka omavava iyakule omailona ayo,
Lwonkhombe ityinda omailona ayo komavava,+
12 Otyo Siovaa alinga Sakoo, wemuhongolela,+
Petupu huku omukwavo ena-e.+
Emupe owiki womonkhanda
Nomulela womomamanya,
14 Emupe omulela wongombe, nomahini onongi,
Emupe onongi mbavondoka nawa,*
Emupe onongi ononthwei mbo ko Mbasaa, novinkhombo ovitwei,
15 Etyi Sesulu* pahe anina,* alingi omphuki, asane mwo ou wemweetele kouye.
Ove pahe wanina, pahe wakola, pahe wekuta unene.+
Etyi ekuta, ayeke-po Huku wokwemutunga,+
Ehesuku vali Nonkhanda yokumuyovola.
17 Kavalingilile Huku ovilikutila,+ vevilingilile ovilulu,
Vevilingilile ono huku vehei,
Ono huku onomphe, mbokweya-ko vala pahetyino,
Ono huku ovakwaukulu venyi vehei.
19 Etyi Siovaa etyimona, ehevehande vali,+
Ehevehande vali mokonda ovana vavo vemunumanesa, ovana vavo ovakwendye novakainthu.
20 Ati: ‘Mandyiveholeka otyipala tyange,+
Ndyitale etyi mavalingi.
Naame mandyivenkhindula avalingi onkhwelume, avanumanena vala ovanthu vehesilivila-le,+
Ame mandyiveleve, mandyivekatulila ovanthu vehena onondunge.+
22 Onyengo yange yatema ngotupia+
Maitokota umwe no kohi Kondyembo*+ aiivala,
Maikayoka ohi, maikayoka atyiho tyili-ko tyiliwa,
Maikayoka onomphapelo mbonomphunda.
23 Kovihuna mavivetumbukila mandyiyawisa-ko.
Mandyiveyahe nonohevo mbange.
Mandyikevetuma omayo ovinyama ovikalavi,+
Mandyikevetuma oulio wovinyama vieendela keimo.
25 Veli kondye, mavakankhia komutunga.+
Ava veli mokati, mavakankhia kowoma,+
Aveho, tyilinge omukwendye tyilinge omufikwena,*
Tyilinge omona omututu tyilinge omukulu una onombi.+
26 Otyipuka valinga ñgeno ndyiti: “Mandyivetyandyanesa,
Mandyikevenyima-ko avahahinangailwa vali, pu vakwavo avavombo-po.”
27 Nalingile otyiho, etyi onondyale mbetu mavalingi hityii,+
Onondyale mbetu vapondola okwehetyinoñgonoka.+
Vapondola okuti: “Onthwe mwene twetyivila kononkhono mbetu.+
Ha Siovaa-ko.”
29 Ine vali ovanongo ñgeno hahe!+ Ñgeno vasoka!+
Ñgeno vasoka ovipuka valinga mavikeveetela-tyi.+
30 Omunthu wike upondola okulwisa ovanthu 1000, avatili-ko?
Ovanthu vevali vapondola okulwisa ovanthu 10.000, vetyivila?+
Nkhwali o putyina vala Onkhanda yavo yevelandesa,+
Nkhwali o putyina Siovaa evepakula konondyale mbavo.
32 Omuti wavo wo nouva wapolelwe komuti wo nouva wo ko Sondoma,
Wapolelwe momapia omo Ngomola.+
O nouva mbavo oukola,
O nouva mbavo mbulula.+
33 Ovinyu yavo yafwa oulio wononyoka,
Oulio wiipaa womatunga-lutwo.
35 Okunumana otyange, otyange okulinga ovanthu etyi valinga-vo vakwavo,+
Onthiki omphai yavo maisosonoka,+
Onthiki mavatumbukilwa novihuna ili popepi,
Evi haa mavamono ovioo viya.’
36 Siovaa makaongela omphela ovanthu vae,+
Makaetehila-mo onkhenda ovaundapi vae,+
Mekeveetehila-mo onkhenda tyina amatale ononkhono vetupu vali,
Tyina amatale pesala vala omapongo, pesala vala vokwehena vali ononkhono.
37 Makati: ‘Ono huku mbavo mbuli-pi,+
Onkhanda ina ankho vaovola pahe ili-pi, omu vahanda okuholama,
38 Ono huku mbuna mbalile ovilenga viovilikutila viavo,*
Mbuna mbanwine ovinyu yoviawa viavo viokunwa,+ mbuli-pi?
Mbupinduke-po mbumukwatesako.
Mbuye mbumuyakulile.
Ame nati umwe okwiipaa ndyityivila, okupa omunthu omwenyo ndyityivila.+
40 Ame ndyiyelula okuvoko
Andyaane, andyiti: “Natukaila umwe ame mwene, ame nahankhi,”+
41 Tyina namalipika omutunga wange, omutunga wange ulaima,
Tyina pahe namapumphama ndyitete omphela,+
Onondyale mbange mandyimbulingi etyi mbandingile,+
Ava vendyele mandyivelingi etyi vandingile.
42 Onohevo mbange mandyikembukoleswa, mambukakolwa nohonde,
Ou omutunga wange maukalia ohitu,
Onohevo mbange mambukakolwa nohonde yo vokwaipawa, no yononkhwatwa,
Mambukalia omitwe viovatumini vonondyali mbange.’
43 Hambukwei onwe vanthu vovilongo, hambukilwei kumwe novanthu vae,+
Hambukwei, mokonda makatantha ohonde yovaundapi vae,+
Onondyale mbae mekembulinga etyi mbalingaile,+
Makakoha otyilongo tyovanthu vae.”
44 Mwisesi eya, apitulula motyiimbo etyi atyiho otyo ovanthu aveho vetyiivite.+ Mwisesi vali na Oseya*+ omona wa Nuu. 45 Etyi Mwisesi apopila ova Isilayeli aveho onondaka ombo ambuho, 46 pahe eveti: “Pakei momutima onondaka ombu napopia hono,+ onondaka mbumulondola, mutyivile okumbupopila ovana venyi, navo valinge atyiho tyipopia Mbovitumino evi.+ 47 Onondaka ombu napopia, ombu hanondaka vala, onondaka mbumupa omwenyo.+ Onondaka ombo mbupondola okukemupa nomwenyo motyilongo mamukakala tyina mwamayauka o Solondau.”
48 Siovaa apopila Mwisesi monthiki yatyo oyo, ati: 49 “Londeka komphunda ei yo Ambalii,+ Omphunda yo Nembu+ yokuli motyilongo tyo Moambe, yapilukila mo Selikoo, otale otyilongo tyo Kanaa, otyilongo mandyaavela ova Isilayeli, omu mavakala.+ 50 Komphunda oko moi nako, oko mokankhila, wende kovenyi,* ngeetyi omukulu wove Alau anyimina Komphunda yo Hole,+ aende kovavo, 51 onwe vevali kamwalingile etyi napopile, kamwenthavelele komaiho ova Isilayeli, pomaande oko Melimbaa+ ko Kande moluhandya lwo Sii, onwe kamwankhimanekelele pova Isilayeli.+ 52 Otyilongo ove moketyitalela vala kokule, mahi kumanyingila motyilongo mandyaavela ova Isilayeli.”+