Oviimbo
Otyiimbo tya Ndaviti. Otyiimbo tyokupakula ondywo.
30 Siovaa, ame mankhuhivilika mokonda wamphindula-po.*
Ove kwayekele onondyale mbange mbuhambukilwe ononkhumbi mbange.+
2 Siovaa Huku yange, ame naulula onkhwo opo unkhwateseko, ove wanthyakula.+
3 Siovaa, ove wamphola* Kondyembo,*+
Wanthyupisa. Wandyovola anahaende melangalo.+
4 Hilivikei Siovaa noviimbo* onwe vakwatyili kwe.+
Pandulei enyina liae likola.+
5 Mokonda okunumanenwa nae katyisete,+
Mahi okupandwa nae, tyienda-ko omwenyo auho.+
Tyipondola tyina kunthikovela ulila mahi tyina kutya ukwiilila nehambu.+
6 Etyi nelitehelela okuti napama, andyiti:
“Ame nii himatenga-tenga.”*
7 Siovaa, pweetyi nkhele ankho wamphanda, wamphamekele andyikala ngomphunda.+
Mahi etyi waholeka otyipala tyove andyiteketa.+
8 Siovaa, ame ankho ndyiliyava kwoove.+
Ankho ndyilivondela ku Siovaa opo andinge okankhenda.
9 Ame okunkhia andyiende meendo, mopolo-po-tyi?+
Okuti eheke malikuhivilika?+ Okuti malihipulula oukwatyili wove?+
10 Siovaa nthehelele-vo ondingi okankhenda.+
Siovaa kala-vo omukwatesiko wange.+
11 Ononkhuka mbange wembutyitula ehambu.
Wamphola otyikutu tyange tyosaku ombaleka ehambu.
12 Opo ndyikuhilivike noviimbo, anahati vala filuu.
Siovaa Huku yange, ame mandyikuhivilika apeho.