Oviimbo
Ko wokutumbula-mo. Otyiimbo “Tyononthemo.” Otya Ndaviti.
69 Ndyovole-vo Huku yange mokonda omeva ahanda okunthyinda-po.+
2 Nanyingila monthata yaya kohi mwehetavela okuliata omphai pohi.+
Nanyingila kohi-kohi yomeva.
Omeva eya nononkhono aanthyindi-po.+
Omaiho ange pahe atala otyiuvili mokonda yokukevelela ku Huku yange.+
Vokuhanda okundyipaa,
Vokundyele anehena etyi nalinga* valinga ovanyingi.
Nafeteswa kononkhono etyi nahavakele.
5 Huku yange, ove wii nawa owova wange,
Onkhali yange kayaholamene kwoove.
6 Vana vakevelela kwoove vahakunde mokonda yange,
Tatekulu Hamba Onene Siovaa womambamba ovita.
Vokukahi nokukutaindya vahakunde kombanda yange,
Huku ya Isilayeli.
8 Hiiwe vali na vana tulilandula navo,
Nalinga onthunda-vilongo no kovana va mee.+
11 Etyi navala onongosa,
Avandingi omukwele.*
12 Vokupumphama kombundi yepunda-umbo ame vala vapopia,
Ononkholwa ame vala vatumbula moviimbo viavo.
13 Mahi elikwambelo liange lihike-vo kwoove Siovaa,
Mononthiki mbukahi nawa kwoove.+
Huku yange, molwembia lwove olunene-nene,
Nkhumbulule-vo mokonda ove umuyovoli wotyotyili.+
14 Ndyovole-vo monthata.
Wahandyeke ndyiende kohi.
Ndyovole-vo ko vokundyele,
No komeva aya kohi.+
15 Wahayeke omeva omanyingi-nyingi eya nononkhono anthwale,+
Wahayeke omeva okwaya kohi anyine-po,
16 Nkhumbulule-vo Siovaa mokonda olwembia lwove olunene, oluwa.+
Nkhumbulule-vo liwa mokonda naihamenwa.+
18 Fwena pwaame, ondyovola.*
Ndyovole-vo mokonda yonondyale mbange.
19 Ove wii omutomba ndyilingwa nononkhumbi mbange, nolukundo lwange.+
Onondyale mbange ambuho umbulwete.
20 Omutomba wateya omutima wange, otyipute tyatyo katyiveluka vali.*
Ankho ndyikevelela okulingwa okankhenda mahi nawike wandinga okankhenda,+
Ankho ndyikevelela ava vankhengelela mahi havasile nawike.+
24 Veuyulila olunuma lwove,
Onyengo yove yatokota ivewile.+
26 Mokonda vataata una ove wavanga,
Vatwalako okuhipulula omalwihamo a vana ove wavanga.
27 Konkhali yavo yawisa-ko vali,
Vahakale ovaviuki komaiho ove.
29 Ame namona emone, neihamenwa.+
Huku yange, evililo liove liokuyovola lindyakulile.
30 Mandyiimbi oviimbo vihivilika enyina lya Huku,
Ame mandyimuhivilika andyimupandula.
31 Otyo, Siovaa metyipande vali tyipona ongombe onthwei,
Tyipona ondume-tane nonombinga mbayo nomakondyo ayo.+
32 Onondalawa maveketyimona avakahambukwa.
Onwe vokutaindya Huku, omitima vienyi vipame vali.
34 Eulu nohi vimuhivilike,+
Nelunga novipuka aviho vieenda-enda-mo.
35 Mokonda Huku makayovola o Siyau,+
Akapindula-po omapunda-umbo o Sundaa.
Ovanthu vae mavekeipiñgana avakakala-mo.