Sona
2 Etyi Sona eli meimo liombisi+ elikwambela ku Siovaa, Huku yae, 2 ati:
“Mononkhumbi mbange neliyava ku Siovaa, ngwe anthehelela.+
Etyi ndyikahi kohi* Mondyembo* neliyava kwoove, okukwiita unkhwateseko.+
Ove watehelela etyi napopia.
3 Etyi wandyumba mokati kelunga kohi yomeva,
Omaande aanyini-po.+
Omanyonda* anthwala kohi yelunga.+
4 Ame andyiti: ‘Ove wanthaatela kokule notyipala tyove!
Oñgeni mandyimono vali ondywo yove ikola?’
5 Omaande anyina-po, aahande okundyipaa;+
Omaande okwaya kohi amphaka pokati.
Ovifo vyo* melunga aviliwingaila momutwe wange.
6 Nanyingila umwe kohi-kohi yomeva, kuna kwatuka onomphunda.
Eheke ankho lihanda okunthyitikila-ko opo neheye vali.
Mahi ove Siovaa Huku yange, wahupisa omwenyo wange kelangalo.+
7 Pweetyi omwenyo wange* ankho ukahi nokupwa-mo, andyihinangela ku Siovaa.+
Elikwambelo liange alihiki kwe, mondywo yae ikola.+
8 Vana velipakula kovika-huku viahasilivila, vatyitukila-po Ondyivi-ndyivi yolwembia olunene.*
9 Mahi ame mandyikupandula, mandyikulingila ovilikutila.
Etyi napopia mandyityilingi umwe.+
Eyovo litunda kwoove Siovaa.”+
10 Pahe Siovaa atumu ombisi, aikahandyela Sona koluhimba.