Wahonekelwa Ova Hembeleu
8 Etyi, otyo otyinene-po vali pu evi tuli nokupopia: Onthwe tuna omunene-nakwa ngo oo,+ ngwe wapumphama ponthele potyipundi otyinene Tyomunene komaulu, wahula kokulio,+ 2 uundapa* momphangu ikola, mekaka liatyo mwene,+ liokwatungwa na Siovaa,* ha liokwatungwa nomunthu. 3 Ngwe mwene omunene-nakwa uholovonwa apakule evi viaawa, novilikutila; no oo, nae ankho una okumona etyi mapakula.+ 4 Ine wali pano pohi, ñgeno kalingile omunakwa,+ mokonda pena-le ovalume vapakula evi viaawa ngeetyi tyipopia Ovitumino. 5 Ovalume ovo valinga ovilinga vikola, otyilekeso,+ okahi kovipuka vyo keulu;+ o ngeetyi Mwisesi atuminwe na Huku pokutunga ekaka: Watile: “Ovipuka ovio aviho vilinga umwe nawa avikala ngeevi nekulekesa wamona komphunda.”+ 6 Mahi pahe Sesusi wapewa ovilinga* oviwa vali, ngwe tupu walinga omuhonyeki+ momphango nga ina, mahi pahe ongwa vali,+ omphango yalingilwa umwe ngeetyi tyapopia ovitumino, yapumphama ko viokwapangwa vikahi vali nawa.+
7 Ine omphango oyo yo tete kayali notyinthembia, ñgeno kapaetwelwe vali ya vali.+ 8 Mokonda ngwe uvasa ovinthembia movanthu etyi ati: “‘Tala! Omboo mbuya ononthiki,’ otyo tyapopia Siovaa,* ‘ononthiki mandyilingi omphango omphe neumbo lya Isilayeli, neumbo lya Sundaa. 9 Omphango oyo kaikakala nga ina nalingile no voho monthiki nevekwata mokuvoko pokuvepola motyilongo tyo Isitu,+ kombanda yokwahakakatelele momphango yange, ame naame andyiveyeke-po anehesuku vali navo,’ o Siovaa* wetyitola.
10 “‘Mokonda ei oyo omphango mandyilingila veumbo lya Isilayeli tyina ononthiki ombo mbamalambe,’ otyo tyapopia Siovaa.* ‘Ame mandyikapaka ovitumino viange momitwe viavo, ankhevihoneka komitima viavo.+ Ame ndyikalinga Huku yavo, ngwe avakalinga ovanthu vange.+
11 “‘Nawike vali makalongesa mutyitwa-tyilongo mukwavo, no ou velilandula nae, ati: “Noñgonoka Siovaa!”* Aveho mwene mavakanoñgonoka, okuhimbikila komona watyo atee komukulu watyo. 12 Mwene ame mankhevelinga okankhenda namphila vapengaisa, nononkhali mbavo hikeembweeta-le vali komutima.’”+
13 Etyi ati “omphango omphe,” okuli nokunyima-ko onkhulu.+ Ngwe etyi tyili nokunyimwa-ko, tyili nokukulupa, ngootyo tyihungi umwe kokuvomba-ko.+