Wahonekelwa Ova Hembeleu
9 Mahi, ei omphango onkhulu, oyo ankho ina movitumino ilingilwa movilinga vikola, nomphangu yatyo ikola+ pano pohi. 2 Mokonda mekaka liotete liatungilwe, mwali okandiyelo konomphalavinga,+ nomesa no nombolo mbokulekeswa;+ oyo ankho itiwa Omphangu Ikola.+ 3 Mahi nthele ina otyinyanga+ tya vali kuna apa ankho patiwa o Pomphangu Ikola Unene.+ 4 Omo ankho muna otyilindo tyokuyokela ombao+ notyikasa tyomphango+ tyalombwa noolu atyiho,+ ankho muna omulindi woolu una omanaa,+ nomphangoti ya Alau yokwayovele,+ nomamanya omapapi+ omphango; 5 kombanda yatyo ankho kuna ono kelumbii mbomunkhima mbahika kotyipato tyokuhita* ononkhali.+ Mahi pehepano, havio-ko ovio matweendesa.
6 Etyi ovipuka ovio viatungwa, ngamo vikalela omo, ovanakwa pahe apeho vanyingila mekaka momphangu yo tete valinge ovilinga vikola;+ 7 mahi omunene-nakwa unyingila aike momphangu ya vali like menima,+ kanyingila-mo tyahatyindile ohonde,+ ei apakula, kombanda yononkhali mbae,+ no mbovanthu aveho+ valinga-linga motyiponyo. 8 Ongootyo omphepo ikola ityipotoyola, ei ondyila yokunyingila momphangu ikola kayaholololelwe mosimbu nkhele ekaka lyo tete litai.+ 9 Ekaka olio otyilekesa tyomuvo uno,+ ngwe omu tyaonganekelwa, omo umwe ankho evi viaawa vipakulilwa, atyiho novilikutila.+ Mahi, ovipuka ovio kavityivili okupa omunthu ulinga ovilinga vikola omutima wasukuka, waviuka umwe.+ 10 Ovio viyemba vala kovikulia no kovikunwa, no koviso ovinyingi viokulikoha.*+ Ankho ovipuka viitwa movitumino viyemba kolutu,+ ngwe viakala-ko umwe atee momuvo wanakwa wokuviukisa ovipuka.
11 Mahi, etyi Kilisitu eya lwomunene-nakwa wovipuka oviwa ankho viamoneka-le, anyingila mekaka enene vali, liaviuka vali, liahatungilwe nomavoko, otyo okuti, liehe lya pano pohi. 12 Ngwe wanyingila momphangu ikola, kaile-mo nohonde yovinkhombo ovitwei no yonondume-tane, mahi wanyingila vala like nohonde yae mwene,+ ahapalaika-po vali, atambula eyovo lietu liahapu.*+ 13 Mokonda ine ohonde yovinkhombo ovitwei no yonondume-tane,+ netwe lionthane ondema okunyanywa ku ava vasila, tyivesukula umwe ohitu,+ 14 pahe opo ohonde ya Kilisitu+ kaityimane umwe, ou welipakulila umwe momphepo yahapu eliaave ku Huku tyehena otyinthembia asukule omitima vietu kovilinga viankhia,+ opo tulinge ovilinga vikola tulingile Huku una omwenyo?+
15 Otyo ngwe alingila omuhonyeki momphango imwe omphe,+ okwati opo mononkhia ombu mbakala-po vayovokele-mo+ vahukuluke kononkhali vali nambo momphango onkhulu, opo ava vokwaihanwa vatambule etyi tyatolelwe tyepingo liahapu.+ 16 Mokonda apa palingwa omphango, ononkhia mbomunthu walingwa nae mbesukisa ombo mbwiipumphika, 17 ngwe omphango ilinga vala omphango tyina pena ou wankhia-po, kailingi omphango tyina omunthu walingwa nae omphango ena omwenyo. 18 Ngwe nomphango onkhulu kayahimbikile* vala ngootyo apehena ohonde. 19 Etyi Mwisesi apopila ovanthu aveho ovitumino aviho Viotyitumino, wapolele ohonde yonondume-tane no yovinkhombo ovitwei, nomaande, nomulinya wakuhuka, noisopu,* anyanye komukanda,* no kovanthu aveho, 20 ati: “Ei ohonde yomphango Huku emutuma mwiikwate-po.”+ 21 Anyanye vali ohonde+ kekaka no kovityuma aviho vikwatelwa movilinga* vikola. 22 Otyo umwe, ngeetyi tyipopia Ovitumino, ovipuka aviho tyinyingi vikohwa vala nohonde,+ pohika okwahamomeswa ohonde kapaevelwa munthu.+
23 Otyo ankho tyesukisila umwe otyilekesa tyovipuka vyo keulu+ opo ovipuka vieendekwe umwe ngootyo pokukohwa,+ mahi ovipuka vyo keulu viahanda ovilikutila vikahi vali nawa. 24 Ngwe Kilisitu kanyingilile momphangu ikola yalingwa nomavoko,+ otyilekesa tyeevi mwene vili-ko,+ mahi wanyingila keulu,+ opo pahe aye ku* Huku, onthwe aila-ko.+ 25 Otyo katyalingilwe akalaile vala okulipakula, ngeetyi omunene-nakwa anyingila momphangu ikola nima na nima+ nohonde yehe-yae. 26 Opo ñgeno ukalela vala okumoneswa ononkhumbi nkhele tyanthyimbi youye. Mahi pahe ngwe welihololola umwe vala like konthyulilo youye uno,* ahapalaika-po vali, opo ngwe mwene alinge otyilikutila ngatyo anyima-ko natyo onkhali.+ 27 O ngeetyi pahe ovanthu vapakelwa, opo vankhie vala like tyahapalaika-po vali, haa pahe avakaongelwa omphela, 28 na Kilisitu waawa vala like atyahapalaikwa vali, opo atyinde-po ononkhali mbovanyingi;+ apa haa amoneka lya vali, kamaendela vali onkhali,* mahi mamonwa na ava vemukevelela tyokwesuka natyo, vakevelela okuyovoka kwavo.+