Okutunda
40 Siovaa apopila Mwisesi okuti: 2 “Monthiki yo tete yohanyi yo tete ove una okutaindya apa upakela ekaka, ohinge yomaliongiyo.+ 3 Paka-mo otyikasa Tyoumbangi,+ opake otyinyanga+ tyiyuvikiye Otyikasa. 4 Twala omesa mokati,+ opake ovipuka aviho kombanda yomesa vina mavikala-ko. Otwala-mo okandiyelo konomphalavinga+ okeyakesa.+ 5 Opake omutala wokuyokela ombao+ woolu, Potyikasa Tyoumbangi, opake otyinyanga pombundi yekaka liefendelo.+
6 “Omutala wokuyokela ovilikutila+ upakela kombundi yekaka, ohinge yomaliongiyo. 7 Opake ombasiya pokati kohinge yomaliongiyo nomutala wovilikutila, mombasiya opake-mo omaande.+ 8 Olingi epata okuliseta nekaka+ liomaliongiyo, pombundi yepata oyendyelesa-po otyinyanga.+ 9 Tyina wamamane opolo omulela wokulembula,+ olembula ekaka liefendelo, novipuka aviho vili-mo,+ olisukukisa nalio novityuma vialio, ngootyo malikala tyasukuka. 10 Lembula omutala wokuyokela ovilikutila, novityuma viao aviho, ousukukisa; ngootyo maukala omutala ukola.+ 11 Lembula ombasiya nokamutala kayo, oisukukisa.
12 “Pahe oeta Alau novana vae, kombundi yohinge yomaliongiyo ovekoho.+ 13 Ovaleka Alau omuvalo ukola,+ omulembula omusukukisa,+ akala omunakwa wange. 14 Okapola ovana vae ovevaleka omivalo omile.+ 15 Una okuvelembula ngeetyi walinga tate yavo,+ avakala ovanakwa vange, okuvelembula otyo matyivekalesa ovanakwa, navo novanthu aveho mavakatuka-tuka muvo.”+
16 Mwisesi, alingi atyiho Siovaa emutuma.+ Alingi umwe atyiho.
17 Monthiki yo tete yohanyi yo tete, menima lya vali, ekaka liefendelo alipu.+ 18 Etyi Mwisesi amana ekaka liefendelo, apake ovipundi vionombundi apake-mo+ omavai olukweyo,+ apake omaluvala,+ atalameka onomphandyi. 19 Afiki ovinyanga viohinge+ kekaka liefendelo eliyambela+ ngeetyi Siovaa emutumine.
20 Apolo omamanya Oumbangi+ eepake Motyikasa,+ apake omitengi+ Kotyikasa,+ apake-ko otyipato tyatyo.+ 21 Atwala Otyikasa mekaka liefendelo, apake otyinyanga+ tyikala komutwe wotyikasa, atyiyuvikiya Otyikasa Tyoumbangi+ ngeetyi Siovaa atumine Mwisesi.
22 Apake omesa+ mohinge yomaliongiyo, ekaka liefendelo, okuhula kombanda kondye yotyinyanga tyityilika Omphangu Ikola, 23 apakela Siovaa onombolo+ komesa, onombolo mbaenda etete ngeetyi Siovaa atumine Mwisesi.
24 Apake okandiyelo konomphalavinga,+ mohinge yomaliongiyo komutwe womesa okuyemba kombwelo yekaka liefendelo. 25 Ayakesila Siovaa ovikandiyelo+ ngeetyi Siovaa atumine Mwisesi.
26 Pahe apake omutala+ wokuyokela ombao mohinge yomaliongiyo komutwe wotyinyanga, 27 ulinge wokuyokaila+ ombao+ ngeetyi Siovaa atumine Mwisesi.
28 Pahe apake otyinyanga+ kombundi yekaka liefendelo.
29 Apake omutala wokuyokela ovilikutila,+ kombundi yekaka liefendelo, ohinge yomaliongiyo, ulinge wokulingila ovilikutila+ viokuyokwa noviawa viovilia ngeetyi Siovaa atumine Mwisesi.
30 Apake ombasiya pokati kohinge yomaliongiyo nomutala wovilikutila apake-mo omaande okulikoha.+ 31 Mwisesi na Alau novana va Alau, omo velikoha pomavoko no konomphai. 32 Ankho velikoha apeho tyina vanyingila mohinge yomaliongiyo na tyina vafwena+ pomutala ngeetyi Siovaa atumine Mwisesi.
33 Alingi epata+ okuliseta nekaka liefendelo nomutala wovilikutila, ayendyelesa otyinyanga kombundi yepata.+
Pahe Mwisesi amane okulinga ovilinga aviho. 34 Ekaka alifiki ohinge yomaliongiyo, omunkhima wa Siovaa auyula mekaka aliho liefendelo.+ 35 Mwisesi ehetyivili okunyingila mohinge yomaliongiyo mokonda ekaka nkhele opo lili, omunkhima wa Siovaa weyula mekaka liefendelo.+
36 Tyina ekaka lienda no keulu liekaka liefendelo, ova Isilayeli availuka, otyo ankho valinga ngootyo moungendi wavo auho.+ 37 Mahi tyina ekaka liahaile no peulu, navo ankho kavailuka. Vakevela onthiki maliende no peulu.+ 38 Ekaka lya Siovaa ankho likala keulu liekaka liefendelo komutenya, kounthiki akuya omutemo wotupia, ankho tyimoneka kova Isilayeli aveho mokweenda kwoungendi wavo auho.+