Wahonekelwa Ova Hembeleu

6 Naina, mokonda pahe movipuka viotete viyemba+ ku Kilisitu, twalamba-mo-ale, tututumbei tulinge vioukulu,+ twahaukei vali elisesu ekwavo, eli tuti, okulivela kovilinga viankhia, okuyumba onthumbi mu Huku, 2 ondongeso yo nombatisimu, okuyambeka omavoko,+ etutilo lyo vokwankhia,+ no tyomphela yahapu. 3 Otyo otyo onthwe matulingi, ine Huku wetyiyeka.

4 Mokonda tya ava vaminikililwe-ale,+ ava vamakelako-ale kotyali tyo keulu, navo valia-ko komphepo ikola, 5 ava vamakela kondaka ongwa ya Huku, no kononkhono ononene mbouye ukeya,* 6 avatundu mondyila,+ nokuveeta vala veye vali velivele kavevilwa-le, mokonda velipapelela vali Omona wa Huku momuti, avemunyaneka poluhandya akunde.+ 7 Eheke lipola ouwa ku Huku tyina linwa omeva ombila iloka-ko apeho, pahe ngwe alieeta ovikuna viasukisa kwava vialiminwa. 8 Mahi eheke okweeta ohongo, nomapole, lilovolwa, opo pahe liateyelwa onkhano, lihungi kokuyokwa.

9 Mahi onwe, vanthu vange ndyihole, onthwe tutyii umwe okuti, twahula vala okuti otyo twapopia otyo, mahi onwe muna oviwa ovinene, viayemba keyovo. 10 Mokonda Huku utupu onya, kalimbwa ovilinga vienyi, kalimbwa otyipuka muhole enyina liae,+ mokwaundapela ovasukuki, neetyi muli nokuveundapela. 11 Mahi twahanda munthu na munthu pwoonwe alinge omunthu wokuta ombili ovipuka ngootyo, opo ayumbe-ko umwe onthumbi kweetyi tukevelela+ atee konthyulilo,+ 12 opo onwe mwahalinge ovanangi,+ mahi muhetekele ava vokwayumbile-ko onthumbi, vapwile elundo, avapewa evi viapangelwe.

13 Mwene etyi Huku apopilile Ambalayau etyi apanga, mokonda kutupu-ale vali omunene kwe, pokwaana, mwene elitukaila,+ 14 ati: “Ame tyotyili mandyikekuyamba, mandyikekupa ovana ovanyingi.”+ 15 Ambalayau mokwapwa umwe elundo, etyimono umwe otyo tyapangelwe. 16 Mwene omunthu pokwaana, utukaila omunthu omunene vali kwe, ngwe okwaana otyo vala tyimana onondaka, mokonda omunthu okwaana vati umwe etyi apopia otyili.+ 17 Haimo ñgoo omo Huku aendekela, etyi ati pokwasoka okuhololola nawa-nawa omphango yae yahapilauluka konomphinga mbeetyi tyapangwa,*+ waana,* tyimoneke umwe okuti etyi apopia otyili, 18 opo movipuka ovio vivali viahapilauluka, ovipuka Huku ahapondola-le okukembela,+ onthwe vokwatilila mwe tupamekwe umwe, tukakatele moviwa twapakelwa tukevela. 19 Etyi tukevelela+ tyalinga ngohako ikwata ohande,* tyati umwe otyo otyili, otyo tyakola, ngwe tyinyingila umwe mokati atyilambe otyinyanga,+ 20 omu mwanyingila wokwatenga komutwe, wetyilingila onthwe, Sesusi,+ ou walinga omunene-nakwa lwa Melekisendeke, wahamatunda-tunda-ko vali.+