Wa Vali Wahonekelwa Ova Kolindu
5 Mokonda onthwe tutyii okuti, ine ondywo yetu yo pohi ihanywa-po,*+ ekaka eli, opo matukakala notyitunge tyitunda ku Huku, ondywo, handywo yatungwa nomavoko,+ ondywo yahavu-po vali keulu. 2 Mondywo* muno tuli tukema, tupeleya-vo ñgeno pahe tuvala yetu mwene, ei yo* keulu,*+ 3 opo tyitie tyina tyameyapo tyokwiivala onthwe twahakale muhoyo. 4 Otyili, onthwe vokuli mekaka eli, tuli nokukema twelinyongamena, onthwe twahandele umwe ñgeno katululu-mo ekaka eli, mahi twahanda okuvala ekwavo,+ opo omwenyo unyinepo etyi tyinkhia.+ 5 Mwene ou wetulingila-tyo otyipuka tyatyo otyo, o Huku,+ utwaavela omphepo ikola ilinge opinyolo yeetyi tyikeya.*+
6 Naina onthwe apeho tuyumba-ko umwe onthumbi, tutyii okuti tyina nkhele ondywo tukala olutu, opo Tatekulu twemukalela kokule,+ 7 mokonda onthwe tweendela monthumbi, ha mweetyi tweete komaiho. 8 Mahi twayumba-ko onthumbi, hahe vali okukala kokule nolutu, atukala na Tatekulu.+ 9 Ngwe tyilinge tukala nae, tyilinge twemukala kokule, onthwe twapanga umwe tyokumuhambukiswa. 10 Mokonda onthwe atuho matweende* potyipundi tyonomphela tya Kilisitu, munthu na munthu apewe etyi tyata movipuka alingaile pweetyi ankho eli molutu, tyilinge oviwa tyilinge ovivi.*+
11 Naina, mokonda onthwe tyokutila owoma Tatekulu tutyii, tutyipopia umwe kovanthu vetavele, mwene onthwe twiiwe* nawa na Huku. Mahi ame nahanda mutunoñgonoke* no konombungo mbenyi amukululuka. 12 Onthwe katuli mokulipopia vali kwoonwe mutunoñgonoke, tuli vala nokumupa ondundo mulimphandele onthwe, opo mutyivile okupopia naava velimphandela etyi tyo kondye+ vehelipandela etyi tyili momutima. 13 Mokonda ine onthwe twalinga komutwe,+ twalingila Huku; ine tuna umwe onondunge, opo onwe twalingila. 14 Okuhole Kilisitu otyo tyitukuma, onthwe twetyimona umwe okuti, omulume wike wankhila aveho,+ ovanthu aveho ankho vankhia. 15 Wankhila umwe aveho opo ava vena omwenyo vahalinge vala tyavo mwene,+ mahi valingile ou wevenkhila apindulwa-po.
16 Naina okutuka hono, katwii vali omunthu nawike mopahitu.+ Namphila Kilisitu twemunoñgonokele mopahitu, mahi pahe katumuti vali otyo ekahi otyo.+ 17 Mahi ine umwe uli kumwe na Kilisitu, oo omupe watungwa pahe;+ ovikulu vialamba; tala! pahe kweya ovipe. 18 Mahi aviho ovio vitunda ku Huku, ou wetweeta vali no kwe tuhonyene mu Kilisitu,+ etwaavela otyilinga tyokuhonyeka,+ 19 etyi tya Huku waeta vali ouye no kwe vahonyene mu Kilisitu,+ ahasuku vali noundevi wavo,+ pahe etwaavela otyilinga tyokupopia ondaka ihonyeka.+
20 Naina onthwe, tuvatumwa+ twakalelapo Kilisitu,+ tyilinge ngatyina Huku atuma onthwe akengelele ovanthu veye. Mokwakalelapo Kilisitu, tulivondela umwe kwoonwe tuti: “Honyei na Huku.” 21 Ou ankho wehei onkhali walingwa umwe onkhali,*+ onthwe umwe etyilingila, opo motyali tyae onthwe tulinge vokwahula kokuviukisa kwa Huku.+