Oviimbo
Elikwambelo lya Ndaviti.
17 Nthehelele-vo tyina ndyiita ouviuki Siovaa.
Nthehelele-vo tyina ndyiulula onkhwo unkhwateseko.
Tehelela-vo elikwambelo liange napopia noukwatyili.+
2 Tokola etyi tyaviuka tyinkhwatesako.+
Omaiho ove amone etyi tyaviuka.
3 Ove watala nawa omutima wange, wanthala nawa kounthiki.+
Ove wankhangula.+
Motyimono umwe okuti hapangele okulinga otyivi natyike,
Omulungu wange kawapengesile.
4 Konthele yetyi ovanthu valinga,
Ame ndyilityilika onondyila mbovimphulu mokonda yonondaka mbove.+
5 Onomphai mbange mbutwaleko okweendela monondyila mbove,
Opo onomphai mbange mbuhelipunduke.+
6 Ndyilikwambela kwoove Huku yange, mokonda ove monkhumbulula.+
Yendelekela-vo kwaame okutwi kwove.* Tehelela-vo onondaka mbange.+
7 Tulinge olwembia lwove olunene atyituhuvisa,+
Muyovoli wa vana vaovola okuholama mokuvoko kwove kwokulio,
Vaholama vana vekutyitukila-po.
9 Ndyakulile konondingavivi mbukahi nokundwisa,
10 Vatena omitima,*
Tyina vapopia nomilungu viavo velipaka-ko.
11 Pahe vetupaka pokati.+
Vaovola omphitilo yokututokesa.*
12 Ngwe ukahi ngonkheyama yahuyukwa ihunyauna etyi ikwata,
Ngewena lionkheyama lina etyi liayolamena.