Wahonekelwa Ova Ngalasiya
2 Pahe etyi pakala omanima 14, andyilondeka vali no ko Selusalei, atweende na Mbalanambee,+ ankho tuna na Titu.+ 2 Tyanthwala ankho o tyimwe naholololelwa, andyivepopila oviwa ovipe ndyili nokupopia movanthu vovilongo. Mahi otyo netyipopilile pokamphengi, ndyitale ine etyi ankho ndyili nokuhateka, etyi nahateka-ko-ale, halingile ononkhono-pwila. 3 Mahi, na Titu+ umwe ankho ndyina-e, katilwe ngaliti-pano una okupita ekwendye,+ ngwe omu Ngeleku. 4 Otyo tyokupita ekwendye, tyakaetwa-po vala na vamwe veliti ovataveli ankho veliyombeleka vala mwoonthwe,+ ankho vahanda okutala ombembwa onene+ tuna-yo mokuli kumwe na Kilisitu Sesusi, ankho vahanda umwe okutupaka moupika;+ 5 onthwe atweheliheke kuvo nii,+ na katutu* vala, twalingila umwe otyili tyoviwa ovipe tyilinge-linge umwe tyenyi.
6 Mahi pahe okuyemba ku ava ankho valinga ngoti ovanene vali+ — ngwe ankho tutupu-ale apa twelikambela, mokonda Huku katalela omunthu kolupe — ovo vokuyumbwa kwatyo onthumbi, vana vetupu-ale natyike-vo otyipe vamphopilile. 7 Mahi ngwe, etyi vetyimona okuti oviwa ovipe ame nevitumwa ndyivipopie movanthu vokwahapitile ekwendye,+ ngeetyi Petulu alingilile vokwapita ekwendye — 8 mokonda ou wetyipele Petulu tyokulinga omutumwa aye ku ava vapita ekwendye, oe ñgoo wetyimpha tyokwenda kovanthu vovilongo+ — 9 etyi vetyimona okuti nalingwa umwe okankhenda okanene,+ ovo Tiaku+ na Sefa* na Swau, ava ankho valinga ngoti ovo onomphandyi mbatyo, atyiti naame na Mbalanambee,+ avetwaavela okuvoko kwokulio tyokwetutavela,* onthwe twende ko vomihoko omikwavo, ngwe vende no ko vokwapita ekwendye. 10 Vetuti vala ovahepi mwehevelimbwei, ngwe naame otyo, otyo umwe ndyisuka natyo, otyo nahanda okulinga.+
11 Mahi etyi Sefa*+ ehika mo Andiokiya,+ andyimuviuku umwe tyipala na tyipala, mokonda ankho tyimoneka umwe okuti wapengesa.* 12 Pweetyi ovalume vamwe vatundile ku Tiaku+ ankho veheneye, opo ankho ulia umwe novanthu vovilongo;+ mahi etyi ovo veya, ahali vali navo, kwoovo ahondovoka-ko, ankho watila owoma vokwapita ekwendye.+ 13 Ova Sundaa vakwavo navo avayembe ko yae momaandambeyo* omo, na Mbalanambee umwe atokela-mo momaandambeyo* omo. 14 Mahi etyi netyimona okuti kaveli nokweendela motyili tyoviwa ovipe,+ andyipopi Sefa,* andyimupopila umwe povanthu aveho andyiti: “Ine ove naina, ngwe umu Sundaa, ulinga vala lwovanthu vovilongo veheva Sundaa, motyivili okweeta ovanthu vomihoko omikwavo movituwa viova Sundaa?”+
15 Onthwe va Sundaa kokwatyitwa, twehevanthu vomihoko omikwavo ovakwankhali, 16 twanoñgonoka okuti omunthu tyimutisa ondingaviwa, havilinga viotyitumino, mahi okuyumba onthumbi+ mu Sesusi Kilisitu.+ Onthwe twayumba onthumbi mu Kilisitu Sesusi, opo tutiwe tunondingaviwa, tyokuyumba onthumbi mu Kilisitu, hatyovilinga viotyitumino, tyeetyi nawike makatilwa* ondingaviwa tyovilinga viotyitumino.+ 17 Pahe ine noonthwe tulinga ovakwankhali ngwe tuli nokututumba tutiwe tunondingaviwa mu Kilisitu, okuti naina Kilisitu omuundapi wonkhali? Au, otyo hatyo! 18 Ine ndyitunga ovipuka mwene ame natokesile-po,* opo mandyilingi omupengesi. 19 Mokonda movitumino ame nankhia, nankhila ovitumino,+ opo ndyikalele vala Huku nomwenyo. 20 Pahe napapelwa momuti, napapelelwa kumwe na Kilisitu.+ Ame hame vali ndyina omwenyo,+ una omwenyo o Kilisitu, una omwenyo no mwaame. Otyili, omwenyo ndyina-o pehepano mohitu, ndyina-o tupu okuyumba onthumbi Momona wa Huku,+ wandinga umwe olwembia, mwene elipakulila umwe ame.+ 21 Ame hianye* okankhenda okanene ka Huku,+ mokonda ine okuviukisa kulingilwa movitumino, opo naina ononkhia mba Kilisitu mbutupu etyi mbaeta.+